Kópbalaly otbasylardyń quramyndaǵy balalarǵa tabysqa qaramastan belgileten memlekettik járdemaqy 2020 jyldan bastap tólenedi. Bul týraly búgin Parlament Májilisiniń jalpy otyrysynan keiin tilshilerge QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Eger de bizdiń usynymyz qoldaýǵa ie bolsa, iaǵni tiisti zań jobasy qabyldansa, 1 qańtardan bastap osy járdemaqyny tóleýdi josparlap otyrmyz», - dedi B. Nurymbetov.
Ministrdiń sózine qaraǵanda, elimizde kópbalaly 343 myń otbasy bar. Solardyń ishinde tórt balalylary 61 paiyzdy, bes balalylar – 27 paiyz, alty balalylar – 9 paiyz, jeti jáne odan kóp balasy barlar 3 paiyz deńgeiinde.
Budan buryn habarlanǵadai, kópbalaly otbasylardyń quramyndaǵy balalarǵa tabysqa qaramastan memlekettik járdemaqyny berý usynylǵan.
Sondyqtan usynylyp otyrǵan jańa ustanymdar kópbalaly analardy qoldaýdy, jańartylǵan ataýly áleýmettik kómekti, kepildi áleýmettik toptamany qamtityn bolady. Kópbalaly otbasylarǵa beriletin jańa memlekettik járdemaqyny otbasy balalarynyń sanyna qarai 42500 teńgeden 73 myń teńgege deiin saralanǵan.
