2020 jyldyń qyrkúieginen bastap, barlyq qalalyq mektep jan basyna qarjylandyrýǵa aýysady.
Bul týraly Parlament Májilisindegi Úkimet saǵatynda QR Bilim jáne ǵylym ministri Ashat Aimaǵambetov málim etti, dep habarlaid QazAqparat tilshisi.
«Respýblikadaǵy 437 memlekettik jáne 80 jekemenshik mektep jan basyna qarjylandyrýǵa kóshti. 2020 jyldyń qyrkúieginen bastap, barlyq qalalyq mektepter aýsady», - dedi ministr ministr Bilim berýdi jáne ǵylymdy damytýdyń 2016-2019 jyldardaǵy baǵdarlamanyń iske asyrylýyn talqylaý barysynda.
Vedomstvo málimetine qaraǵanda, 2016-2018 jyldary 372 mektep salyndy. Búgingi kúni 36 apatty jáne 125 úsh aýysymdy mektep saqtalýda. Apatty jáne úsh aýysymdy mektepterdiń problemalaryn sheshý úshin RB esebinen 118 mektep salý josparlanǵan (2019 j. - 57 mektep). Onyń ishinde aǵymdaǵy jylǵy 1 qazandaǵy jaǵdai boiynsha 30 mektep paidalanýǵa berildi, jyl sońyna deiin 27 mektep iske qosylady.
