Parlament Májilisiniń jalpy otyrysynda Ulttyq ekonomika ministri Rýslan Dálenov aldaǵy bes jyldaǵy infliatsiia qandai deńgeide qalyptasýy múmkin ekenin aitty, dep habarlaidy QazAqparat.
«2020-2021 jyldary infliatsiianyń jyldyq nysanaly dálizi 4-6 paiyz deńgeiinde saqtalady. Al 2022-2024 jyldary ol dáliz 3-5 paiyz sheginde bolady», - dedi ministr eldiń 2020-2024 jyldarǵa arnalǵan áleýmettik-ekonomikalyq damý boljamyn baiandaý barysynda.
Atap aitqanda, makroekonomikalyq boljamnyń negizinde 2020-2022 jyldarǵa arnalǵan biýdjet parametrler boljamy ázirlendi. Respýblikalyq biýdjettiń kiristeri (transfertterdi qospaǵanda) boljam boiynsha 2020 jyly 8,1 trln teńge somasynda, 2021 jyly – 8,7 trln teńge, 2022 jyly 9,5 trln teńgeni quraidy.
«Biýdjet tapshylyǵy 2020 jyly jalpy ishki ónimge qaraǵanda 2,1 paiyz, keiinnen 2021 jyly 1,5 paiyzǵa deiin jáne 2022 jyly 1 paiyzǵa deiin tómendeýimen josparlanýda. Osy parametrlerdi esepke ala otyryp, respýblikalyq biýdjettiń shyǵystary 2020 jyly 12,9 trln teńge, 2021 jyly - 13,2 trln teńge, 2022 jyly 13,7 trln teńge kóleminde boljanýda», - dedi Rýslan Dálenov.
Budan buryn habarlanǵandai, búgin Májiliste Ulttyq ekonomika ministri Jalpy ishki ónimniń ortasha jyldyq ósý qarqyny 5 jylda 4,4 paiyzdy quraitynyn málim etti.
