2019 jyly qazaqstandyqtar 15 732 altyn quima satyp aldy, dep habarlaidy "Ult aqparat".
QR Ulttyq banki halyq úshin tazartylǵan altyn quimalardy satý jáne satyp alý baǵdarlamasyn 2017 jyly bastady.
Ulttyq banktiń habarlaýynsha, 2019 jyly jalpy salmaǵy 469,320 gramm (469 keli) bolatyn 15 732 altyn quima satyldy.
Baǵdarlama aiasynda quimalar 2017 jylǵy maýsymnan bastap ekinshi deńgeili bankter arqyly (Qazaqstan Halyq banki, Eýraziialyq bank, Jýsan banki) jáne 2018 jyldyń jeltoqsanynan bastap aiyrbastaý pýnktteri arqyly satylady. Satý statistikasyna súiensek, qatysýshy bankter arasynda Halyq banki kósh bastap tur.
Quimalardyń 5, 10, 20, 50 jáne 100 gramdyq bes túri bar. Kóbine 5 gramdyq altyn quima satylǵan (32%).
Ulttyq banktiń málimeti boiynsha bir gramm altynnyń quny 18 842,31 teńgeni quraidy.
