Úkimet otyrysynyń jumysy Memleket basshysynyń Qaýipsizdik keńesiniń jaqynda ótken otyrysynda bergen tapsyrmalaryn oryndaý barysyna qatysty máseleni qarastyrýdan bastaldy. QR energetika ministri Qanat Bozymbaev 2019 jylǵy 1 qańtardan bastap elektr energiiasyn óndirý sektory úshin jańa tariftik ádisnama qoldanylatynyn jetkizdi, dep habarlaidy "Ult aqparat".
«Elbasynyń biylǵy 7 qarashada Qaýipsizdik keńesinde bergen tapsyrmalaryn Energetika ministrligi oryndaidy», — dep baiandady Q. Bozymbaev.
Memleket basshysynyń tapsyrmasyna sáikes energiia óndirýshi uiymdardyń elektr energiiasyna arnalǵan shekti tarifteriniń obektivti deńgeii belgilenetin bolady.
«2019 jylǵy 1 qańtardan bastap elektr qýatynyń naryǵy engizilgen soń elektr energiiasyn óndirý sektory úshin jańa tariftik ádisnama qoldanylady», — dedi Q. Bozymbaev.
Energiia óndirýshi uiymdardyń elektr energiiasynyń quny qýat tarifi jáne elektr energiiasyna tarif retinde bólinetin bolady. Ministrlik eki komponenttiń (qýat baǵasy men elektr energiiasynyń baǵasy) qosyndysy boiynsha elektr stantsiialary úshin elektr energiiasyna baǵany tómendetý boiynsha sharalar qabyldaidy.
«Búgingi tańda negizgi elektr stantsiialaryn tekserý boiynsha Bas prokýratýramen birlesken jumys aiaqtaldy. Energetika ministrliginde keste bekitilip, barlyq energiia óndirýshi uiymdardy tyńdaý bastaldy. Atalǵan jumysty biylǵy 20 qarashaǵa deiin aiaqtaimyz. Osy aidyń sońyna deiin tiisti buiryq qabyldanýy tiis», — dedi ministr.
Elektr energiiasyna obektivti shekti tarifterdi belgileý energiia óndirýshi uiymdardyń satý baǵasyn tómendetýge múmkindik beredi.
Ministr energiia óndirýshi uiymdardyń satý baǵasyn ózgertýiniń negizinde, tabiǵi monopoliialar salalarynda basshylyqty júzege asyratyn ýákiletti organ (Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komiteti) túpki tutynýshylar úshin elektr energiiasynyń qunyn tómendetý boiynsha sharalar qabyldaýy tiis ekenin aitty.
Budan ózge, energiia óndirýshi uiymdardyń elektr energiiasyna tarifterin tómendetý maqsatynda Energetika ministrligi Buiryq jobasyn ázirledi. Bul jobada taýarlyq gazdyń shekti kóterme baǵalaryn tómendetý kózdelgen.
«Bizdiń baǵalaýymyz boiynsha, kóterme saýda baǵasyn 2019 jylǵy 1 qańtardan bastap tómendetý − taýarlyq gazdyń túpkilikti baǵasyn óńirge bailanysty gaz paidalanatyn elektr stantsiialary úshin 6-15%-ǵa tómendetýge múmkindik beredi. Buiryqty osy jyldyń qarasha aiynyń sońynda bekitý josparlanǵan», — dedi ministr.
Energetika ministrliginiń gazǵa kóterme saýda baǵalaryn tómendetý negizinde, Tabiǵi monopoliialardy retteý komiteti tiisti buiryqtar qabyldap, elektr stantsiialary úshin gaz baǵasyn tómendetýi tiis.
Elektr energiiasy men taýarlyq gaz baǵalaryn tómendetýge baǵyttalǵan sharalar 2018 jylǵy qarasha aiynyń sońyna deiin Ministrliktiń tiisti Buiryǵy retinde bekitiledi. Atalǵan Buiryq 2019 jyldyń 1 qańtarynan bastap qoldanysqa engiziledi.
