Prezident Q.K. Toqaev qatysýymen 2019 jyldyń birinshi jartyjyldyǵynyń qorytyndysy boiynsha ótken QR Úkimetiniń keńeitilgen otyrysynda Qazaqstan ekonomikasynyń ósý qarqynynyń 2,9%-dan 4,1%-ǵa deiin údeýi atap ótildi.
«Ósýdiń qozǵaýshy kúshteri negizinen ónerkásip, qurylys, kólik, saýda jáne aýyl sharýashylyǵy salalary boldy. Óńdeýshi ónerkásiptegi ósim negizinen mashina jasaý, munai óńdeý, tústi metallýrgiia, jeńil ónerkásip, farmatsevtika jáne sýsyndar óndirisi esebinen qamtamasyz etildi. 14 óńirde ónerkásiptiń ósýi qamtamasyz etilgen», - dedi QR Premer-Ministri.
Ekonomikanyń turaqty damýyn qamtamasyz etý jáne nátijeli jumys oryndaryn qurý úshin negizgi másele – investitsiialardyń jańa tolqynyn tartý.
«Bizdiń mindetimiz – jyl saiyn negizgi kapitalǵa investitsiialar kólemin orta eseppen 20%-ǵa arttyryp, onyń deńgeiin 2025 jylǵa qarai JIÓ-niń 30% deiin jetkizý», - dedi Asqar Mamin, negizgi kapitalǵa investitsiialar 11,7% ulǵaiǵanyn, onyń ishinde jeke investitsiialar 13%-ǵa óskenin atap ótip.
Onyń aitýynsha, nysanaly parametrlerge qol jetkizý úshin negizgi kapitalǵa 5 jyl boiy 30 trln teńge somasynda investitsiialar tartý qajet.
«Búginde 12,4 trln teńge somasynda jobalar pýly anyqtaldy. Iaǵni, jyl saiyn orta eseppen 3 trln teńgeden qosymsha investitsiialar tartý qajet. Tikelei sheteldik investitsiialardyń jyldyq kólemin qazirgi 24 mlrd dollardan 2025 jylǵa qarai 34 mlrd-qa deiin arttyrý kerek», - dedi Úkimet basshysy, investitsiialar tartý úshin óńdeý ónerkásibiniń, otyn-energetika kesheniniń, kólik jáne logistikanyń, AÓK pen týrizmniń áleýeti zor ekenin atap ótip.
Investitsiialar tartý jahandyq básekelestiktiń artýy jaǵdailarynda júzege asyrylyp jatqanyn atap ótý qajet. Osyǵan balanysty Úkimet barlyq memlekettik qoldaý sharalaryn qoldanýmen jáne qolaily investitsiialyq ahýal qurýmen investitsiialar tartý boiynsha proaktivti jumystardy júrgize bastady.
QR Premer-Ministri aǵylshyndyq quqyqty, jobalardy qurylymdastyrýdy jáne teń qarjylandyrýdy qoldaný arqyly AHQO áleýetin paidalaný sheteldik jáne otandyq investorlar úshin tartymdy jaǵdailar týdyratynyn atap aitty.
Árbir ortalyq jáne jergilikti atqarýshy organ men ulttyq holding úshin naqty nysanaly indikatorlar qoiylady.
Investitsiialar tartý jónindegi úilestirý keńesinde barlyq investitsiialyq jobalardyń júzege asyrylý barysy qarastyrylatyn bolady.
Ózekti áleýmettik máselelerdi sheshý - Úkimet jumysynyń asa mańyzdy basymdyǵy. Jumyssyz jáne ózin-ózi jumyspen qamtyǵan azamattardy nátijeli jumyspen qamtýǵa tartý boiynsha proaktivti sharalar iske asyryla bastady.
«Eńbek naryǵy turaqty. Aǵymdaǵy jylǵy birinshi jarty jylda jumyssyzdyq deńgeii 4,8 %-ǵa deiin tómendedi. 186 myń jańa jumys orny quryldy, onyń 126 myńy – turaqty», - dedi Asqar Mamin.
Úkimet basshysy biyl jumyspen qamtý sharalarymen qamtý, onyń ishinde «Bastaý biznes» jáne «Jas kásipker» baǵdarlamalary aiasynda qysqa merzimdi kásiptik oqytý arqyly qamtý 4 esege artatynyn jáne 300 myńnan astam adamdy quraitynyn aitty.
Aǵymdaǵy jyly shaǵyn nesielendirýge shyǵyndar 19 myń adamdy qamtýmen 85 mlrd teńgege deiin ulǵaityldy. Jańa biznes-ideialardy iske asyrýǵa granttar kólemi 37 myńnan astam adamdy qamtýmen 18 mlrd teńgege deiin ulǵaitylady.
Sonymen qatar, 1 qyrkúiekten bastap 122 myńnan astam adamdy qamtýmen, TjKB-degi jumysshy mamandyqtary boiynsha bilim alýshylardyń shákirtaqysy 30%-ǵa ósedi.
«Jalpy, 2019 jyly áleýmettik sala shyǵyndary 7,1 trln teńgege deiin arttyryldy. Úkimet áleýmettik sharalardy iske asyrý boiynsha barlyq qajetti sharalardy qabyldaityn bolady», - dedi Asqar Mamin.
