QR indýstriia jáne infraqurylymdyq damý ministri Roman Skliar QR Premer-Ministri Asqar Maminniń tóraǵalyǵymen ótken Úkimet otyrysynda 2019 jylǵy qańtar–shilde ailaryndaǵy ónerkásip salalaryn damytý týraly baiandady.
QR IIDM málimetteri boiynsha, jyl basynan beri ónerkásip óndirisi kólemi 102,7%-dy qurady, onyń ishinde taý-ken ónerkásibi 102,4%, óńdeý ónerkásibi 103,2% qurady.
Taý-ken rýda sektorynda tústi metaldardy óndirý 17,2%-ke ulǵaidy, Biyl naýryzdan bastap temir kenin óndirý kólemi 92,8%-dan 101,5%-ǵa deiin ósti.
R. Skliardiń aitýynsha, kómir men lignit (kómir kontsentratyn esepke almaǵanda) óndirýdiń ósýi 97,3% qurady. Búginde kómir eksporty boiynsha oń dinamika baiqalady, 2018 jylmen salystyrǵanda ósýi 101,9% nemese 15,8 mln.tonna qurady.
«Óńdeý ónerkásibinde ósý 3,2% qurady. Tústi metallýrgiiada óndiris kólemi 8,1%-ǵa ósti», — dedi R. Skliar.
Biyl jyl basynan beri qara metallýrgiia salasynda óndiris kóleminiń ósýi baiqalady. Jeti aidyń qorytyndysy boiynsha óndiris kólemi 94% qurady
Indýstriia jáne infraqurylymdyq damý ministri atap ótkendei, mashina jasaý salasynda óndiris kólemi 17,7%-ǵa ósti, bul avtokólik quraldary, treilerler jáne jartylai tirkemeler 50,6%-ǵa, basqa toptamalarǵa engizilmegen mashinalar men jabdyqtar 14,5%-ǵa artýy esebinen múmkin boldy.
Farmatsevtika salasynda óndiris kólemi 18%-ǵa ósti, bul ónimniń «Himfarm» zaýytynda 50%-ǵa, «Nobel Almaty farmatsevtikalyq fabrikasy» AQ-ynda 13,8%-ǵa artýy esebinen múmkin boldy.
Jeńil ónerkásipte toqyma buiymdary óndirisiniń 18,3%-ke, kiim óndirisiniń 5,4%-ke ósýi esebinen jalpy óndiris 14,3%-ke ósti.
Qazirgi ýaqytta «qarapaiym zattar ekonomikasy» baǵdarlamasy boiynsha birqatar normativtik aktiler men júielik sharalar qabyldanýda.
Kólik kesheni boiynsha 2019 jyldyń qańtar-shildede naqty kólem indeksi 105,4%-ti qurady. Qazaqstan arqyly konteiner tasymaldaýdyń jalpy kólemi ótken jylmen salystyrǵanda 38,4%-ǵa ósti jáne 351,6 myń JFB qurady.
«Turǵyn úi qurylysynda 7 aidyń qorytyndysy boiynsha 6,5 mln sharshy metr turǵyn úi paidalanýǵa berildi. Respýblika boiynsha barlyǵy 55 849 baspana paidalanýǵa berildi (onyń ishinde 24 013 jeke turǵyn úi bar). Turǵyn úi tapsyrý kóleminiń artýy ótken jylmen salystyrǵanda respýblikanyń 7 óńirinde jalǵasýda. Jyldyq josparǵa qol jetkizý úshin osy óńirlerde jumysty jandandyrý qajet», - dedi R. Skliar.
