Búgin QR Úkimetiniń baspasóz ortalyǵynda QR indýstriia jáne infraqurylymdyq damý birinshi vitse-ministri Qaiyrbek Óskenbaev «Nurly jer» memlekettik baǵdarlamasynyń iske asyrylýy týraly baiandady, dep habarlaidy "Ult aqparat".
Q. Óskenbaev atap ótkendei, qazirgi kezde memleket muqtaj adamdardyń barlyǵyn baspanamen qamtamasyz etý úshin túrli sharalar qabyldaýda.
«2017 jyldan beri «Nurly jer» memlekettik turǵyn úi qurylysy baǵdarlamasy iske asyrylýda. Baǵdarlamanyń negizgi maqsaty - kelesi bes negizgi mindet arqyly azamattar úshin turǵyn úidiń qoljetimdiligin arttyrý:
- satyp alýsyz jalǵa beriletin turǵyn úi salý;
- kredittik turǵyn úi salý;
- jeke turǵyn úi qurylysyn damytý;
- jeke qurylys salýshylardy turǵyn úi salýǵa yntalandyrý;
- kvazimemlekettik sektor sýbektilerin tartý arqyly turǵyn úi salý.
«Nurly jer» baǵdarlamasy boiynsha jyl saiyn 1 mln sharshy metrge artyq turǵyn úi salynady. Eger ótken jyly 12 mln sharshy metrden asa turǵyn úi salynǵan bolsa, biyl 13 mln sh.m. astam jańa turǵyn úi nemese 120 myńǵa jýyq baspana salýdy josparlap otyrmyz.
2018 jyly turǵyn úi baǵdarlamasyn iske asyrýdy kúsheitý maqsatynda Ulttyq bank turǵyn úidi nesielendirýdiń «7-20-25» ipotekalyq baǵdarlamasyn iske qosty, onyń aiasynda aldaǵy 5 jyly 103 myńǵa jýyq azamat baspanaǵa ie bola alady.
2030 jylǵa qarai halyqty turǵyn úimen qamtamasyz etilýin 30 sh. m. deiin arttyrý úshin jańa turǵyn úidi paidalanýǵa berý kóleminiń 8%-ǵa jyl saiynǵy ósimi josparlanǵan. Osy jyldyń 8 aiynda barlyq qarjylandyrý kózderinen 7,6 mln sh.m. turǵyn úi nemese 65 myń páter salyndy», — dedi Q. Óskenbaev.
Sonymen qatar Q. Óskenbaev turǵyn úi qurylysyna investitsiialar kóleminiń 19%-ǵa artqanyn aitty.
Sóz sońynda QR indýstriia jáne infraqurylymdyq damý birinshi vitse-ministri «Nurly jer» memlekettik baǵdarlamasynyń elimizdi iske asyrylyp jatqan eń tiimdi baǵdarlamalardyń biri ekenin jetkizdi. QR IIDM baǵdarlama aýqymyn keńeitý úshin ony ári qarai damytý jumystaryn júrgizip jatyr.
