2019 jyldyń 11 aiynda elimizde 806 myńnan astam jeńil kólik tirkeldi. Bul týraly QR UEM Statistika komitetinen málim etti, dep habarlaidy "Ult aqparat".
«2019 jylǵy qańtar-qarashada Qazaqstan Respýblikasynda 806 842 jeńil avtomobil tirkelip, ótken jylǵy tiisti kezeńmen salystyrǵanda 0,7 paiyzǵa azaidy. Qazaqstan Respýblikasynda 2019 jylǵy 1 jeltoqsandaǵy jaǵdai boiynsha tirkelgen jeńil avtomobilderdiń sany 3 768,7 myńdy qurady», - delingen komitet aqparatynda.
Vedomstvo aqparatyna qaraǵanda, ótken jyldyń 11 aiynda 21 690 adam zardap shekken 14 835 jol-kólik oqiǵasy tirkeldi. 2018 jyldyń 11 qańtar-qarashasymen salystyrǵanda apat deńgeii 4,2 paiyzǵa artqan.
2019 jylǵy 1 jeltoqsanda jaǵdai boiynsha saqtandyrý uiymdarymen kólik quraldary ieleriniń azamattyq-quqyqtyq jaýapkershiligin mindetti saqtandyrý boiynsha 26,9 mlrd teńge somasyna 68 356 saqtandyrý tólemi júzege asyrylǵan.
