Qazirgi tańda 200-ge jýyq oqýshy UBT-ny aǵylshyn tilinde tapsyrýǵa niet bildirgen. Biz biyl olardyń sany kóbeiedi dep oilap otyrmyz. Halyq aldynda esep bergen QR Bilim jáne ǵylym ministri Erlan Saǵadiev osylai aitty, dep habarlaidy Baq.kz tilshisi.
«Ulttyq biryńǵai testileý týraly aitatyn bolsaq, biylǵy jyly UBT tapsyrý erejesi ózgergen joq. Alaida, test tapsyratyndar úshin shamaly ózgerister engizildi. Ulttyq biryńǵai testileý 5 pánnen turatyn bolady. Onyń úsheýi mindetti pán bolsa, ekeýi tańdaý boiynsha pánder. Búgingi tańda eki jyl ishinde testik tapsyrmalar bazasy 50 paiyzǵa jańartylǵan. Sondai-aq, UBT-ny aǵylshyn tilinde tapsyrý múmkindigi beriledi. Qazirgi tańda 200-ge jýyq bala (aǵylshyn tilinde tapsyrýǵa -avt.) niet bildirgen. Biz biyl olardyń sany odan da kóp bolady dep oilap otyrmyz», - dedi Erlan Saǵadiev.
Sondai-aq, ministr orta bilim berý júiesine de toqtaldy. Onyń aitýynsha, qazirgi tańda elimizdiń 4 myńnan astam mektebinde «Kúndelik.kz» elektrondyq kúndeligi engizilgen.
Sonymen qatar, 600 mektepte «Bilim al» jáne «Mektep» kompaniialarynyń elektrondyq jýrnaldary paidalanylady. Shamamen 3,5 million paidalanýshy, 200 myńnan astam muǵalim, 1,5 million ata-ana elektrondyq qujattardy kúndelikti qoldanyp otyr.
