2009 jyly halyq sanaǵynda bolǵan kemshilikter biylǵy halyq sanaǵynda qaitalanbaidy. Bul týraly Ulttyq ekonomika ministrligi Statistika komitetiniń tóraǵasy Nurbolat Aidapkelov aitty, dep habarlaidy QazAqparat.
«2009 jyly Ulttyq halyq sanaǵy kezinde bolǵan qatelikterdi eskerdik. Biylǵy sanaq barlyq talaptarǵa sai bolady. Biz interviýerlerdiń qaýipsizdigi týraly da oilap, oblystyq ákimshiliktermen jumys istep jatyrmyz. Keibir «qiyn» aýdandardy interviýerler ýchaskelik politsiialarmen birge aralaidy», - dedi Nurbolat Aidapkelov Ortalyq kommýnikatsiialar qyzmetinde ótken jiynda.
Ol biyl halyq sanaǵy qalai júretinin aitty.
«Statistika komitetiniń azamattary eshqandai memlekettik satyp alý protsesine qatyspaidy. Ózderińiz biletindei, QR Qarjy minisrliginiń ishinde memlekettik satyp alýlarǵa arnalǵan arnaiy sait bar. Sol jerde búkil satyp alýlar elektrondy túrde júrgiziledi. Kim utyp alady, sonymen kelisimshartqa otyramyz. Sodan keiin ár oblysta ákim basqaratyn komissiia bolady. Onyń janynan Statistika organy taǵy komissiia quryp, adamdardy jumysqa alý máselesin sheshedi», - deidi ol.
Sondai-aq, onyń sózine qaraǵanda, sanaq personalymen óteýli qyzmet kórsetý sharttary jasalady.
«30 kúnge qyzmet kórsetilgen kezde daiyndyq kezeńiniń interviýerine (tirkeýshige) kórsetilgen qyzmetteri úshin 75 743 teńge, sondai-aq negizgi kezeń interviýlerine (sanaqtan ótkizýshige) 94 678 teńge tóleý josparlanǵan. Al 45 kúnge qyzmet kórsetilgen kezde daiyndyq jáne negizgi kezeńderdiń nusqaýshy-baqylaýshysyna kórsetilgen qyzmetteri úshin 113 614 teńge aqy tólenbek», - deidi Nurbolat Aidapkelov.
