Ulttyq banktiń Qolma-qol aqsha ainalysy departamenti direktory Jomart Qajymuratov Ulttyq bank 2006 jyldan bastap jáne odan keiin shyqqan banknottardy aiyrbastaýǵa qatysty jaǵdaidy túsindirip berdi, dep habarlaidy "Ult aqparat".
«Halyqtyń kóptegen ótinishi negizinde, sondai-aq, halyqaralyq tájiribeni eskere otyryp, Ulttyq bank 2006 jyldan bastap jáne odan keiin shyqqan banknottardy aiyrbastaý úshin sheksiz merzim engizý týraly sheshim qabyldady. Jańa banknot shyqqan jaǵdaida, 12 ai ishinde eski banknot qatar qoldanysta júredi. Basqasha aitsaq, eski banknot ta, jańa banknot ta zańdy tólem quraly bolady jáne olardy bir jyl boiy barlyq tólem túri boiynsha qabyldaýǵa mindetti», - dedi Jomart Qajymuratov.
Onyń aitýynsha, qandai da bir banknot ainalymnan shyqqannan keiin ony 3 jyl merzim ishinde Ulttyq banktiń filialdarynan, ekinshi deńgeili bank bólimshelerinen, «Qazposhta» AQ keńselerinen aiyrbastap alýǵa bolady.
«Eger siz belgili bir sebepterge bailanysty ainalymnan shyqqan banknottardy 3 jyl ishinde EDB pen «Qazposhta» AQ keńselerinde aiyrbastai almai qalsańyz, onda Ulttyq banktiń filialdary olardy merzim boiynsha shekteýsiz qabyldaidy», delingen habarlamada.
Ulttyq bank filialdarynyń meken-jaiy men bailanys nómirleri saitta jazylǵan. Jańashyldyq 12 maýsymynan bastap kúshine enedi.
