2021 jyly memleket áleýmettik tapsyrystarǵa 14,5 mlrd teńge bóldi. Bul týraly QR AQDM Azamattyq qoǵam isteri komitetiniń tóraǵasy Madiiar Qojahmet aitty, dep habarlaidy QazAqparat.
«Úkimettik emes uiymdardyń memlekettik áleýmettik tapsyrys, granttar arqyly qarjylyq qoldaýǵa ie bolýda. Máselen, byltyr memleket tek qana áleýmettik tapsyrystarǵa 14,5 mlrd teńge bóldi. Elimiz boiynsha qoǵamnyń san túrli baǵyty boiynsha 2 myńǵa jýyq joba iske asty. 500-den astam uiym qarjy aldy. Sondai-aq, jalpy kólemi 1,5 mlrd teńgeni quraityn 50-den astam granttyq joba iske asyryldy», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, qoǵamdyq keńesterdiń qyzmeti jandandyryldy. Qoǵamdyq keńester týraly zańnamaǵa keńesterdiń rólin arttyrý bóliginde ózgerister engizildi. Osy ózgertýler kvazimemlekettik sektordyń 13 sýbektisinde qoǵamdyq keńester qurýǵa múmkindik berdi.
«Qazirgi tańda qoǵamdyq keńesterdiń sany 253-ke jetti. Olarǵa 3 myńnan astam úkimettiń emes uiymdardyń ókilderi qatysyp, memleketti basqarýǵa óz úlesterin qosýda. 200-den astam keńes óz quramyn jańartty», - dedi Madiiar Qojahmet.
