200-den astam qazaqstandyq Vengriianyń jetekshi joǵary oqý oryndarynda tegin bilim alady. Bul QR Bilim jáne ǵylym ministrligi men Vengriianyń Adami resýrstar ministrliginiń kelisimderi arqasynda júzege asyp otyr, dep habarlaidy "Ult aqparat" QR BǴM baspasóz qyzmeti silteme jasap.
«Bizdiń otandastarymyz «Stipendium Hungaricum» stipendiialyq baǵdarlamasy boiynsha oqityn bolady. Bul tizimdi vengr tarapy úmitkerlerdiń mamandyq tańdaýyna degen yntasyna, olardyń teoriialyq bilimi men oqýdaǵy nemese tańdaǵan salasyndaǵy jetistikterine súiene otyryp bekitti. Sondai-aq áńgimelesý kezinde kandidattardyń jeke qasietteri eskerildi», – dep atap ótti QR BǴM Halyqaralyq baǵdarlamalar ortalyǵy prezidentiniń m.a. Daniiar Muqitanov.
Stipendiattar Vengriiada bakalavriat, magistratýra jáne doktorantýra baǵdarlamalary boiynsha qabyldaýshy taraptyń esebinen oqityn bolady. Sonymen qatar 70-ten astam adamnan turatyn rezervtik tizim jasaldy. Barlyq úmitkerlerdiń tizimi Halyqaralyq baǵdarlamalar ortalyǵynyń resmi saitynda jariialanǵan.
Aita keteiik, úkimetaralyq kelisimder aiasynda 330 qazaqstandyq álemniń jetekshi joǵary oqý oryndarynda, onyń ishinde Vengriia, Polsha, Qytai, Ýkraina, Slovakiia, Ázirbaijan jáne Vetnam ýniversitetterinde tegin oqi alady.
