Almatyda 2A kategoriialyq qiyndyqta «Nursultan shyńyn» baǵyndyrý alpiniadasy ótti. Bul týraly aqparattyq jáne sporttyq HAB habarlady.
Alpiniadaǵa 12 jastan asqan 5 myńnan astam adam 4376 metr biiktikti baǵyndyrýǵa niet bildirgenimen, olardyń 200-den astamy ǵana shyńǵa shyǵa aldy. Qatysýshylardyń arasynda ózge memleket qonaqtary, sondai-aq Almaty qalasy Dene shynyqtyrý jáne sport basqarmasynyń basshysy Ábil Dóńbaev ta boldy. Sharanyń ashylý saltanatynda elimizdiń belgili alpinisti Maqsut Jumaev qonaqtardy Astana kúnimen quttyqtap, alpinizmmen ainalysýǵa keńes berdi.
Aita keteiik, alpiniadamen bir mezgilde «Shymbulaq» taýshańǵy kýrortynda skairanning sportynan Qazaqstan chempionaty bastaldy. Birneshe jas aiyrmashylyq boiynsha 100-den astam sportshy óz baqtaryn synap kórýge tyrysty. Solardyn biri, júldeli oryn alǵan Raýan Abylhanov óz oiyn bólisti.
«Daiyndyq taýda emes, qalada ótti. Ózim osy jarysqa jii qatysamyn. Maǵan júgirgen óte unaidy. Búgin óz jasym boiynsha - birinshi, al «absoliýtte» úshinshi oryn aldym. Ýaqytym - 1 saǵat 53 minýt», - dedi áskeri institýtynyn serjanty Raýan Abylhanov.
Skairanningtiń barlyq júldegerleri men jeńimpazdary medaldarmen, al alpiniada qatysýshylary sertifikattarmen marapattaldy.
Atalmysh sharalar salaýatty ómir saltyn ustanyp, jastar arasynda sportty damytý maqsatynda jyl saiyn ótkiziledi.
