Foto: Mirror.co
Otaýlasqandaryna shamamen 20 jyl bolǵan braziliialyq erli-zaiyptylar jaqynda ózderiniń shyǵý tegi týraly shyndyqty bilgen. Adriana men Leandro oqiǵanyń mán-jaiyn jergilikti radiostantsiianyń efirinde anonimdi túrde bólisti. Bul týraly Stan.kz aqparat agenttigine silteme jasap Ult.kz habarlaidy.
Adriana men Leandro shamamen 19 jyl boiy bir shańyraq astynda turady jáne búginde bir qyz tárbielep otyr. Bir qyzyǵy ekeýi de bala kúninen beri “Mariia” esimdi týǵan anasyn izdep keledi.
Adriana ákesimen birge turǵan, onyń anasy bir jasynda tastap ketken. Al Leandro ógei anasynyń qolynda ósken, ony anasy segiz jasynda týǵan qalasy San-Paýlýda tastap ketken. Adriana balalyq shaǵynda týǵan qalasynan ketip, úi qyzmetshisi bolyp jumys istegen, 15 jyl turmysta bolyp, úsh bala dúniege ákelgen.
Jup jiyrma jyldan astam ýaqyt buryn, Adriananyń nekesi buzylyp, San-Paýlýǵa qaita oralǵannan keiin tanysqan. Olar birden bir-birin unatyp, birge ómir súre bastaǵan.
Anasyn tabýǵa bekingen Adriana 2014 jyly jergilikti radiostantsiiadan kómek suraǵan. Radio Globo radiosyndaǵy joǵalǵan týystardy tabýǵa arnalǵan “Ýaqyty keldi” baǵdarlamasynyń sońynda Adriananyń anasy óziniń Leandro esimdi uly bar ekenin, biraq onyń ózin tanymaitynyn aitqan.
“Muny maǵan aityp otyrǵanyńyzǵa sene alar emespin. Leandro – meniń kúieýim. Endi úige qaitýǵa qorqyp otyrmyn, boiymdy “Leandro menimen aiyrylysqysy kelýi múmkin” degen oi bilep tur. Men ony óte qatty jaqsy kóremin”, – dedi kúieýiniń týǵan aǵasy ekenin bilip eseńgiregen Adriana.
Genetikalyq jynystyq tartymdylyqpen ómir súretin adamdarǵa arnalǵan qoldaý forýmynyń málimetinshe, bul jupta genetikalyq seksýaldyq tartymdylyq qubylysy baiqalǵan. Bul – “damý men jaqyndasýdyń mańyzdy kezeńderinde bir-birinen ajyrap, eresek shaqta qaita tabysqan eki eresek adamnyń arasynda paida bolatyn qubylys”.
Adriana men Leandro týǵan baýyr ekenine qaramastan, birge qalatynyn málimdegen.
“Bizdi ólim ǵana ajyratady. Munyń bári Qudaidyń qalaýymen boldy”, – deidi áiel.
Áieldiń sózinshe, bul týraly erterek belgili bolǵanda sheshim múlde basqasha bolar edi.
“Árine, bul týraly erterek bilsek bári basqasha bolar edi. Biraq biz bilmedik jáne bir-birimizge ǵashyq boldyq.
Analarymyzdyń aty birdei ekeni bizge qyzyq kórindi, biraq bul óte keń taraǵan esim ǵoi, sondyqtan jai ǵana sáikestik dep oiladyq. Alǵashynda bul jaǵdai bizdi qatty eseńgiretti, biraq otbasy bolyp keńesip, jurt ne dese de, erli-zaiypty bolyp qala berýdi sheshtik. Bolashaqqa josparymyz kóp. Bizdi eshteńe ajyrata almaidy. Eshteńe".
Erli-zaiyptylar tastap ketken anasyn kinálamaidy. Kerisinshe, onymen birneshe ret sóilesken jáne jaqyn ýaqytta kezdesýdi josparlap otyr.
