فوتو: Mirror.co
وتاۋلاسقاندارىنا شامامەن 20 جىل بولعان برازيلييالىق ەرلٸ-زايىپتىلار جاقىندا ٶزدەرٸنٸڭ شىعۋ تەگٸ تۋرالى شىندىقتى بٸلگەن. ادريانا مەن لەاندرو وقيعانىڭ مەن-جايىن جەرگٸلٸكتٸ راديوستانتسييانىڭ ەفيرٸندە انونيمدٸ تٷردە بٶلٸستٸ. بۇل تۋرالى Stan.kz اقپارات اگەنتتٸگٸنە سٸلتەمە جاساپ Ult.kz حابارلايدى.
ادريانا مەن لەاندرو شامامەن 19 جىل بويى بٸر شاڭىراق استىندا تۇرادى جەنە بٷگٸندە بٸر قىز تەربيەلەپ وتىر. بٸر قىزىعى ەكەۋٸ دە بالا كٷنٸنەن بەرٸ “مارييا” ەسٸمدٸ تۋعان اناسىن ٸزدەپ كەلەدٸ.
ادريانا ەكەسٸمەن بٸرگە تۇرعان, ونىڭ اناسى بٸر جاسىندا تاستاپ كەتكەن. ال لەاندرو ٶگەي اناسىنىڭ قولىندا ٶسكەن, ونى اناسى سەگٸز جاسىندا تۋعان قالاسى سان-پاۋلۋدا تاستاپ كەتكەن. ادريانا بالالىق شاعىندا تۋعان قالاسىنان كەتٸپ, ٷي قىزمەتشٸسٸ بولىپ جۇمىس ٸستەگەن, 15 جىل تۇرمىستا بولىپ, ٷش بالا دٷنيەگە ەكەلگەن.
جۇپ جيىرما جىلدان استام ۋاقىت بۇرىن, ادريانانىڭ نەكەسٸ بۇزىلىپ, سان-پاۋلۋعا قايتا ورالعاننان كەيٸن تانىسقان. ولار بٸردەن بٸر-بٸرٸن ۇناتىپ, بٸرگە ٶمٸر سٷرە باستاعان.
اناسىن تابۋعا بەكٸنگەن ادريانا 2014 جىلى جەرگٸلٸكتٸ راديوستانتسييادان كٶمەك سۇراعان. Radio Globo راديوسىنداعى جوعالعان تۋىستاردى تابۋعا ارنالعان “ۋاقىتى كەلدٸ” باعدارلاماسىنىڭ سوڭىندا ادريانانىڭ اناسى ٶزٸنٸڭ لەاندرو ەسٸمدٸ ۇلى بار ەكەنٸن, بٸراق ونىڭ ٶزٸن تانىمايتىنىن ايتقان.
“مۇنى ماعان ايتىپ وتىرعانىڭىزعا سەنە الار ەمەسپٸن. لەاندرو – مەنٸڭ كٷيەۋٸم. ەندٸ ٷيگە قايتۋعا قورقىپ وتىرمىن, بويىمدى “لەاندرو مەنٸمەن ايىرىلىسقىسى كەلۋٸ مٷمكٸن” دەگەن وي بيلەپ تۇر. مەن ونى ٶتە قاتتى جاقسى كٶرەمٸن”, – دەدٸ كٷيەۋٸنٸڭ تۋعان اعاسى ەكەنٸن بٸلٸپ ەسەڭگٸرەگەن ادريانا.
گەنەتيكالىق جىنىستىق تارتىمدىلىقپەن ٶمٸر سٷرەتٸن ادامدارعا ارنالعان قولداۋ فورۋمىنىڭ مەلٸمەتٸنشە, بۇل جۇپتا گەنەتيكالىق سەكسۋالدىق تارتىمدىلىق قۇبىلىسى بايقالعان. بۇل – “دامۋ مەن جاقىنداسۋدىڭ ماڭىزدى كەزەڭدەرٸندە بٸر-بٸرٸنەن اجىراپ, ەرەسەك شاقتا قايتا تابىسقان ەكٸ ەرەسەك ادامنىڭ اراسىندا پايدا بولاتىن قۇبىلىس”.
ادريانا مەن لەاندرو تۋعان باۋىر ەكەنٸنە قاراماستان, بٸرگە قالاتىنىن مەلٸمدەگەن.
“بٸزدٸ ٶلٸم عانا اجىراتادى. مۇنىڭ بەرٸ قۇدايدىڭ قالاۋىمەن بولدى”, – دەيدٸ ەيەل.
ەيەلدٸڭ سٶزٸنشە, بۇل تۋرالى ەرتەرەك بەلگٸلٸ بولعاندا شەشٸم مٷلدە باسقاشا بولار ەدٸ.
“ەرينە, بۇل تۋرالى ەرتەرەك بٸلسەك بەرٸ باسقاشا بولار ەدٸ. بٸراق بٸز بٸلمەدٸك جەنە بٸر-بٸرٸمٸزگە عاشىق بولدىق.
انالارىمىزدىڭ اتى بٸردەي ەكەنٸ بٸزگە قىزىق كٶرٸندٸ, بٸراق بۇل ٶتە كەڭ تاراعان ەسٸم عوي, سوندىقتان جاي عانا سەيكەستٸك دەپ ويلادىق. العاشىندا بۇل جاعداي بٸزدٸ قاتتى ەسەڭگٸرەتتٸ, بٸراق وتباسى بولىپ كەڭەسٸپ, جۇرت نە دەسە دە, ەرلٸ-زايىپتى بولىپ قالا بەرۋدٸ شەشتٸك. بولاشاققا جوسپارىمىز كٶپ. بٸزدٸ ەشتەڭە اجىراتا المايدى. ەشتەڭە".
ەرلٸ-زايىپتىلار تاستاپ كەتكەن اناسىن كٸنەلامايدى. كەرٸسٸنشە, ونىمەن بٸرنەشە رەت سٶيلەسكەن جەنە جاقىن ۋاقىتتا كەزدەسۋدٸ جوسپارلاپ وتىر.
