Qyzylorda oblysy Shieli aýdanyna qarasty Tóńkeris jáne Ortaqshyl aýyldyq okrýgteri koronavirýs infektsiiasynyń aldyn alý maqsatynda karantinge jabyldy, dep habarlaidy "Ult aqparat".
Bul jóninde Óńirlik kommýnikatsiialar qyzmetinde ótken brifingte oblystyq densaýlyq saqtaý basqarmasynyń basshysy Jaqsylyq Abdýsametov málim etti.
«Óńirde koronavirýs infektsiiasyn juqtyrǵandar sany 54-ke jetti. Jańadan tirkelgen 13 naýqas - Shieli aýdanynan. Anyqtalǵan naýqastardyń barlyǵy da karantindik baqylaýda bolǵan azamattar. Qazirgi tańda, Shieli aýdanyna qarasty Tóńkeris aýyldyq okrýgi tolyq karantinge jabylyp, jappai zalalsyzdandyrý jumystary júrgizilýde», - dedi Jaqsylyq Ábilqasymuly.
Shieli aýdany ákimdiginiń habarlaýynsha, qazir aýyldyq okrýgtiń kireberisine sanitarlyq blok-beket qoiylǵan. Aýyl turǵyndary men kólik quraldarynyń júrip-turýy tolyǵymen shekteldi.
«Aýyl turǵyndaryna qajetti azyq-túlik qory men kúndelikti tutynatyn taýarlardyń jetkilikti bolýy úshin aýdan ortalyǵynan aýylǵa baǵasyn ósirmei ákelip usyný uiymdastyrylýda. Koronavirýs infektsiiasynan saqtaný joldaryna bailanysty únparaqtar taratylyp, árbir úige túsindirý jumystary júrgizilýde. Qyzylorda qalalyq jáne Taraz qalalyq himiialyq batalonnyń áskeri qyzmetkerleri arqyly 73 630 sharshy metr zalalsyzdandyryldy. Dezinfektsiialaý jumystary jalǵasýda», - dep habarlady aýdan ákimdigi.
7 sáýirdegi jaǵdai boiynsha, aimaqta COVID-19 infektsiiasyna shaldyqqan 54 adam bar. Onyń ishinde Qyzylorda qalasynda – 9 jaǵdai, Jańaqorǵan aýdanynda – 16, Qarmaqshyda – 4, Shielide – 24 jaǵdai, Syrdariia aýdanynda -1 jaǵdai tirkeldi.
Tóńkeris aýyly ornalasqan Shieli aýdanynda barlyǵy 24 adam dert juqtyrǵan. Onyń ishinde Shieli kentinen - 3 adam, Ortaqshyl aýyldyq okrýginen - 1 adam jáne Tóńkeris aýyldyq okrýginen - 20 adam bar. Osyǵan orai Ortaqshyl jáne Tóńkeris aýyldary karantinge jabylyp, aýdan boiynsha shekteý engizildi,
