Koronavirýsqa qarsy vaktsina saldyrǵany týraly jalǵan qujat satyp alǵan qazaqstandyqtar jasyryn túrde vaktsinatsiia pasportyn qalai alǵany jaily áńgimelep berdi, - dep habarlaidy Tengrinews.kz.
Jalǵan vaktsinatsiia pasportyn jasaý qylmystyq jazany kózdeidi, sonymen qatar halyqqa qaýip tóndiredi. Óitkeni ol adam koronavirýs juqtyryp, jaqyndaryna da taratýy múmkin. Sonymen qatar, jalǵan vaktsina saldyrǵan adamdardyń koronavirýs infektsiiasyn juqtyrýy nemese tipti ólimi halyqtyń vaktsinaǵa degen senimin tómendetedi.
"Aitatyn eshteńe joq. Ata-anam maǵan aitpai jasap alypty. Úsh tólqujat úshin 45 myń teńge berdi. Mamyrdyń basynda, mundai jaǵdai bolmaǵan kezde. Al qazir qalai ekpe saldyratynymdy bilmeimin. Qorqyp júrmin", - dedi 26 jastaǵy Artem (aty ózgertilgen. - eskert.).
Onyń vaktsinatsiia pasporty daiyn, Ashyq qosymshasynda "jasyl" mártebege ie. Nege buryn vaktsina almadyńyz degen suraqqa Artem "Spýtnik V" vaktsinasyn DDSU maquldaǵanyn kútkenin aitty.
Aijanǵa (aty ózgertilgen. - eskert.) jumysqa barý úshin vaktsina alǵany týraly anyqtama qajet bolǵan.
"Men 20 myń teńgege satyp aldym. Mamyrda "birinshi" dozaǵa, maýsymda "ekinshi" dozaǵa bardym. Protsess osylai ótedi. Aldymen kelissóz júrgizdi. Olar kelý kerek dedi. Men protsedýralyq bólmege kirdim, olar jai ǵana inektsiia jasady, al vaktsinany tógip tastady. Keiin sol jerde biraz otyrdym, sosyn boldy. Ekinshi dozada da solai boldy. Árqaisysyna 10 myń teńgeden tóledim", - dedi Jámila.
Onyń aitýynsha, medbikeden basqa, jalǵan qujat týraly eshkim bilmegen. Endi Ashyq qosymshasynda ol "jasyl" mártebege ie.
Taǵy bir qazaqstandyq áieldiń aitýynsha, vaktsinatsiia pasportyn anasy men ápkesi satyp alǵan. Biraq olarǵa vaktsina alý mindetti emes.
"Olar saýdamen ainalysady. Anam zeinette. Oǵan bolmaidy. Ápkemniń emizetin balasy bar, oǵan da bolmaidy. Biraq báribir saýda orynynyń iesi býtikti jabamyn dep qorqytty. Sondyqtan satyp alýdy uiǵarǵan. Bes myń teńgeden. Bul arzan", - dedi Aiman (aty ózgertilgen. - eskert.).
Almatylyq Ásel (aty ózgertilgen. - eskert.) kompaniiada keńse menedjeri bolyp jumys isteidi. Onyń basshylyǵy vaktsinatsiiadan bas tartqan jaǵdaida qyzmetkerlerdi jumystan bosatamyn dep qorqytqan.
"Resmi túrde jariialaǵan joq, biraq aityldy. Keiin vaktsina almaǵandardyń jalaqysy qysqaryp, qashyqtan jumys isteýge jiberiletini aityldy. Keiin vaktsina alǵany týraly qujatty qaida jasaitynyn izdeýge týra keldi. Bireýler Baraholkada bir jerde satylatynyn aitty. Biraq olar qońyraýǵa jaýap bermedi. Keiin bir dosymnan taptym. 20 myń teńge. Olardyń qalai jasaǵanyn bilmeimin, biraq qazir meniń tólqujatym bar", - dep bólisti qyz.
Ashyq qosymshasynda Áseldiń mártebesi "kók", biraq jumysta onyń vaktsinatsiia pasporty qabyldanǵan.
Aita keteiik, 2 shildeden bastap barlyq qyzmetkeri vaktsina alýy tiis nysandardyń keńeitilgen tizimi kúshine enedi. Tizbege bazarlar, sulýlyq salondary, dámhanalar, meiramhanalar, qyzmet kórsetý nysandary jáne jappai baratyn basqa da oryndar kiredi.
Buǵan deiin densaýlyq saqtaý ministri Aleksei Tsoi vaktsinatsiia pasportyn jasatqandardy jazalaýǵa ýáde bergen bolatyn. Alaida sodan beri jalǵan málimetti jappai anyqtaý týraly habarlama bolǵan joq.
