Almatylyqtarǵa TJ týraly jedel habarlaýdyń tegin mobildi qosymshasy qoljetimdi, dep habarlaidy "Ult aqparat" Almaty ákimdiginiń baspasóz qyzmetine silteme jasap.
Jobany qala ákimdigimen birge TJ departamenti jáne qazaqstandyq kompaniia - «I2NIK» JShS biýdjet qarjysyn jumsamai, Smart Almaty baǵdarlamasy aiasynda júzege asyrýda.
Mobildi qosymshany Android jáne iOS bazalaryndaǵy qurylǵylar arqyly qazaq, orys jáne aǵylshyn tilderinde júktep alýǵa bolady, qazirgi kezde ony 20 myńnan astam tutynýshy paidalanýda.
«Darmen» qosymshasyn jasaý úshin Japoniia jáne AQSh-tyń tájiribesi zertteldi. Qosymsha birneshe sekýnd ishinde ǵana halyqty TJ qaýpi jáne bolýy múmkin zardaptary (sonyń ishinde daýyldar týraly eskertýler) jóninde habardar etedi.
Almatyǵa jaqyn ornalasqan seismologiialyq datchikter arqyly avtomatty rejimde jerdiń silkinýi týraly push-eskertý jibere alady.
Mobildi qosymsha qoldaný tájiribesinen ótti jáne burynǵy SMS-habarlamalarmen salystyrǵanda eskertýlerdi jedel jiberetinin kórsetti.
Buǵan deiin, qala ákimi Baqytjan Saǵyntaev japondyq sarapshymen jer silkinisi týraly aldyn ala eskertý júiesin ornatýdy talqylaǵan bolatyn.
