20 qańtardan bastap Semeidiń qoǵamdyq kólikterinde saralanǵan tarif engiziledi, – dep habarlaidy qalalyq aqparat ortalyǵy.
Avtobýsta saralanǵan tarif engizý týraly sheshim 20 qańtardan bastap kúshine enedi. Bul týraly brifingte Semei qalasynyń jolaýshylar kóligi jáne avtomobil joldary bóliminiń bastyǵy Serikqali Jumanov málimdedi.
Sonymen, 20 qańtardan bastap «Avtobys» mobildi qosymshasy men kólik kartasy arqyly tólenetin jol aqysy - 80 teńge, al qolma-qol aqshamen tólese - 140 teńge bolady.
Eger validator jumys istemei qalsa, karta nemese mobildi qosymsha arqyly tóleitin jolaýshy jol aqysyn tólemeidi, óitkeni jabdyqtyń durys jumys isteýine tasymaldaýshylar jaýap beredi. Qalalyq avtobýstarǵa statsionarlyq validatorlardy ornatý jumystary ótken jyldyń qazan aiynda bastaldy. Búgingi tańda operator 328 statsionarlyq validator men 328 uialy terminal satyp aldy. Statsionarlyq validatorlar «Semey Bus» JShS jáne «Semei avtobýs parki» JShS qyzmet kórsetetin barlyq baǵyttarda jumys isteidi, biraq kóptegen marshrýttar QR kodtarmen áli de qamtylmaǵan. «Smart Concept» JShS ókilderi 20 qańtarǵa deiin barlyq qalalyq avtobýstar elektrondyq biletter júiesimen qamtylady dep sendirdi. Qazirgi tańda 147 307 kólik kartasy satyldy, onyń 109 myńy - standart, 26 myńy - mektep oqýshylaryna arnalǵan, 11 myńy - áleýmettik kartalar.
Sonymen birge bileti joq jolaýshylarǵa baqylaý kúsheitiledi. Jergilikti politsiia qyzmetiniń bastyǵy Seiilbek Nurekenovtiń aitýynsha, avtobýstarda tólem tártibin baqylaityn arnaiy mobildi toptar jumys isteitin bolady.
- Mobildi top quramyna ákimdik ókilderi, tekserý toby jáne politsiia qyzmetkerleri kiredi. Jolaýshy jol júrý aqysyn tólemegeni úshin 2 AEK mólsherinde aiyppul salynady - 5302 teńge, - dedi Jergilikti politsiia qyzmetiniń basshysy. Brifingte aitylǵandai, elektrondy tólem júiesin engizýmen, ýaqyt ótken saiyn, kondýktorlarda qajettilik joǵalady. - Elektrondyq júie engizilgen kezde, eger jumys dinamikasy jaqsy bolsa, kondýktorlar budan bylai qajet bolmaidy, - dedi Serikqali Jumanov.
Kondýktorlar jumyssyz qalmaýy úshin mobildi toptarǵa tartylyp, jelilerde baqylaý járgizedi.
