2 milliard aǵash otyrǵyzý maqsatynda jasalyp jatqan jumysty baqylaý úshin «interaktivti karta» ázirlenýde. Bul týraly Ekologiia ministrligi habarlady.
Memleket basshysy 2020 jylǵy 1 qyrkúiektegi Qazaqstan halqyna Joldaýynda 2 mlrd aǵash otyrǵyzýdy qamtamasyz etýdi jáne osy jumystardyń oryndalý barysyn baqylaý úshin interaktivti karta ázirleýdi tapsyrǵan edi.
«Joǵaryda kórsetilgen tapsyrmany iske asyrý maqsatynda Qazaqstan Ekologiia, geologiia jáne tabiǵi resýrstar ministrligi (budan ári – QR EGTRM) Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrligimen birlesip osy máseleni pysyqtady. «Qazaqstan ǵarysh sapary» ulttyq kompaniiasy» AQ QR EGTRM Orman sharýashylyǵy jáne janýarlar dúniesi komitetiniń «Qazaq orman ornalastyrý kásiporny» RMQK tapsyrysy boiynsha 2 mlrd aǵash otyrǵyzý jumys barysyn monitoringteý úshin interaktivti kartasyn ázirleýde. Jerdi qashyqtyqtan zondtaý negizindegi interaktivti karta halyqqa mobildi nusqada da qoljetimdi bolady dep josparlanýda. Barlyq múddeli tulǵalar, qoǵamdyq uiymdar jáne elimizdiń árbir azamaty osy jumysty qadaǵalap, óz usynystary men eskertýlerin ýákiletti organǵa joldai alady», - delingen ministrlik habarlamasynda.
