2,3 millionnan astam adamǵa Memlekettik áleýmettik saqtandyrý qorynan tótenshe jaǵdai kezeńinde tabysynan aiyrylýyna bailanysty tólemder taǵaiyndaldy, - dep habarlaidy "Ult aqparat".
«TJ kezeńinde tabysynan aiyrylýyna bailanysty 2 335 929 adamǵa Memlekettik áleýmettik saqtandyrý qorynan (MÁSQ) áleýmettik tólem taǵaiyndaldy. 14 sáýirdegi saǵat 11:00-degi jaǵdai boiynsha áleýmettik tólem taǵaiyndaý úshin 4 mln 469 myń 16 azamattan barlyǵy 5 mln 797 myń 580 ótinish kelip tústi. Osylaisha, 1 mln 328 myń 564 qaitalanatyn ótinim tirkeldi. Ótinishterdi qaraý merzimderiniń ulǵaiýyna jol bermeý maqsatynda azamattardan ótinishti bir ret berýlerińizdi suraimyz», - delingen Eńbek jáne halyqty áleýmettik qorǵaý ministrligi málimetinde.
Derekterdi tekserý jáne ótinishti qaraý merzimi 3 jumys kúnin quraidy. MÁSQ-ta tólem jasaý týraly sheshim qabyldanǵannan keiin ótinish berýshige SMS-habarlama keledi. Keiinnen ótinish berýshiniń derekteri «Azamattarǵa arnalǵan úkimet» memlekettik korporatsiiasy» KEAQ-ǵa jiberiledi, ol ony ekinshi deńgeidegi bankterge tólem júrgizý úshin jiberedi.
Eske sala keteiik, áleýmettik tólem alýǵa ótinimdi eGov portaly, 42500.enbek.kz veb-saity jáne boiynsha Telegram-bot arqyly berýge bolady.
