Air Astana men FlyArystan áýe kompaniialary toby Nur-Sultan men Almaty qalalarynda karantin engizilýine bailanysty birqatar reisin toqtatty. Bul jaiynda Air Astana kompaniiasynyń baspasóz qyzmetinen habarlady.
«Air Astana men FlyArystan áýe kompaniialary toby Nur-Sultan men Almaty qalalarynda karantin engizilýine, sonymen qatar birqatar úkimettik shekteýlerge bailanysty birqatar reisin toqtatty. Halyqaralyq reister Qazaqstan azamattaryn otanyna alyp kelý jáne shetel azamattaryna elden ketýge múmkindik berý maqsatynda ǵana oryndalady. Áýe kompaniialary toby jolaýshylardy turǵylyqty jerlerine jetkizý úshin ishki reisterdi oryndaýyn jalǵastyrady», - delingen taratylǵan aqparatta.
Kompaniia málimetinshe, qazirgi jaǵdaida kólik utqyrlyǵynyń kúrdelýine bailanysty barlyq jolaýshylar áýejaiǵa ushaq ushýynan 2 saǵat buryn kelýi qajet. 15 sáýirdi qosa alǵanǵa deiingi reisterge bilet satyp alǵan azamattardyń barlyǵy bilet qunyn qaitaryp alý úshin refund@airastana.com elektrondy poshtasynda suranys joldaýlary qajet. Satyp alynǵan biletterdiń quny 2020 jyldyń sońyna deiin qaitarylýy múmkin.
