2 paiyzdyq ipoteka áleýmettik jaǵynan az qamtylǵan azamattardyń naqty úsh kategoriiasyna berilýi shart. Olar - kópbalaly otbasylar, tolyq emes otbasylar jáne múgedek balalary bar otbasylar, dep habarlaidy QazAqparat tilshisi.
«Turǵyn úi qurylys jinaq bankiniń» basshysy Lázzat Ibragimovanyń aitýynsha, jeńildetilgen nesieni alý úshin aldymen, qaryzǵa alatyn aqshanyń 10 protsentin alǵashqy jarna retinde salý qajet. «Máselen, 8 million teńgeniń alǵashqy jarnasy 800 myń teńge bolady. Ondai nesie alǵan otbasy 8 jyl boiy ai saiyn 42 700 teńge tólep otyrady. Odan keiin 10 jyldai 27 000 teńgeden salý qajet. Ondai neseniń artyq tólemi 18 jyldyń ishinde 500 000 teńgeden tómen bolady», - dedi L.Ibragimova QazAqparat tilshisine bergen suhbatynda.
Onyń sózine qaraǵanda, Almaty men Astana qalalarynda ipoteka 15 million teńgege deiin beriledi. Bul jaǵdaida alǵashqy 8 jyl boiy ai saiyn 76 000 teńgeden, keiingi jyldary 50 000 teńgeden tólep otyrý qajet bolady.
Al QR Indýstriia jáne infraqurylymdyq damý ministrligi Qurylys jáne turǵyn úi-kommýnaldyq sharýashylyq isteri komitetiniń tóraǵasy Marxabat Jaiymbetovtyń aitýynsha, áleýmettik jaǵynan az qamtylǵan otbasylardyń alǵashqy jarna salý máselesi turǵyn-úi kýálikteriniń esebinen sheshiledi. «Jeńildetilgen baspana nesiesine jańa páter, bolmasa, úi satyp alýǵa bolady. Jyldyq mólsherlemesi - 2 protsent. Ol 19 jylǵa beriledi. Sosyn 10 paiyz kóleminde alǵashqy jarna salý qajet. Endi, alǵashqy jarnaǵa aqsha joq degen másele týyndaidy. Máselen, 10 million teńgeni qaryzǵa alsań, 1 million teńge kóleminde alǵashqy jarna qajet. Biz bul máseleni bylai sheshýdi kózdep otyrmyz. Ákimdikter beretin turǵyn úi kýálikteri arqyly, bolmasa alǵashqy jarnany iri kásiporyndardyń kómegimen alýǵa bolady. Máselen, Astana qalasy turǵyn úi kýálikterine 2 milliard teńgeden astam qarjy bólemiz dep otyr. Sonyń kómegimen alýǵa bolady», - deidi M.Jaiymbetov.
Aita keteiik, «Nur Otan» pratiiasynyń kezekti sezinde QR Tuńǵysh Prezidenti - Elbasy Nursultan Nazarbaev áleýmettik jaǵynan az qamtylǵan azamattarǵa 2 protsenttik ipoteka berý máselesin qarystyrýdy tapsyrǵan bolatyn.
Halyq arasynda «Atalǵan nesieni aýqattylar alyp ketpei me?» degen suraqtar da boldy. Osyǵan bailanysty QR Indýstriia jáne infraqurylymdyq damý ministrligi ailyq tabystyń shekti mólsherin belgiledi. Odan joǵary alatyndarǵa 2 protsenttik nesie alýǵa ruqsat berilmeidi.
