Pavlodar oblysynyń bas memlekettik sanitar dárigeri Batyrbek Áliev koronavirýstyń taralýynyń aldyn alý maqsatynda óńirde karantin sharalaryn odan ári kúsheitý týraly qaýly qabyldady, dep habarlaidy "Ult aqparat".
Atalǵan qaýlyǵa sáikes, kúsheitilgen sharalar 18 qazan kúni saǵat 00.00-de kúshine enedi.
Qujatta ǵimarat ishindegi qoǵamdyq tamaqtaný oryndaryna (ashyq aýada qyzmet kórsetýdi qospaǵanda) saǵat 08.00-den 22.00-ge deiin jumys isteýge ruqsat beriletindigi kórsetilgen. Bul rette, nysannyń tolymdylyǵy 30 orynnan aspaýy, áleýmettik ara qashyqtyq jáne ústelder arasyndaǵy 2 metr qashyqtyq, bir ústel basyna 4-6 adamnan otyrǵyzý talaptary saqtalýy tiis.
Ujymdyq, saltanatty, otbasylyq, jáne basqa da is-sharalarǵa tyiym salynady.
Azyq-túlik dúkenderiniń jumys ýaqyty saǵat 22.00-ge deiin ǵana ruqsat beriledi.
Fitnes-ortalyqtardyń, jattyǵý zaldary men sporttyq-saýyqtyrý ortalyqtarynyń qyzmetteri 30 paiyzdyq tolymdylyqpen saǵat 08.00-den 20.00-ge deiin júrgiziledi.
Saýda ortalyqtarynyń, saýda úileriniń, saýda jelileriniń jumys ýaqyty saǵat 18.00-ge deiin ǵana bolady.
