17 tamyz, dúisenbi kúni Qazaqstannyń basym bóliginde aýa raiy qubylmaly bolady, dep habarlaidy ult.kz.
Sinoptikterdiń boljamynsha, birqatar óńirde jańbyr jaýyp, naizaǵai oinaidy. Soltústik pen shyǵysta nóser jańbyr jaýyp, kei jerlerde burshaq túsýi yqtimal.
Elimizdiń birneshe óńirinde jel kúsheiedi. Ońtústik aimaqtarda shańdy daýyl soǵýy múmkin. Al batys, soltústik-batys jáne soltústik óńirlerde túnde jáne tańerteń tuman kútiledi.
Sonymen qatar kei óńirlerde aptap ystyq saqtalady. Almaty jáne Jetisý oblystarynda aýa temperatýrasy +35…+36°C, Mańǵystaý oblysynyń ońtústiginde +38°C-qa deiin kóteriledi.
Almatyda 17 tamyzda jaýyn-shashynsyz aýa raiy boljanyp otyr. Kúndiz aýa temperatýrasy shamamen +30…+32°C bolady.
Aptap ystyq pen jelge bailanysty elimizdiń birqatar óńirinde órt qaýpi joǵary jáne tótenshe deńgeide saqtalady.
