17 tamyzdan bastap karantin rejimi jeńildetilgennen keiin Almaty qalasynda 160 myń turǵyn jumys ornyna oralady, dep habarlaidy QazAqparat.
«Búgingi tańda 17 tamyzǵa deiin Almaty qalasy boiynsha tyiym salynǵan sala qyzmetkerleriniń sany 250 myńǵa jýyq adamdy quraidy. Onyń ishinde bilim berý salasynan 90 myń adam jumysyn toqtatqan bolatyn. 17 tamyzdan bastap 160 myń adam jumysqa shyǵady dep kútilýde», – dedi E. Orazalin.
Sondai-aq, ol qatań karantin jaǵdaiynda tabyssyz qalǵan qala turǵyndary 42 500 teńge kóleminde ótemaqy alǵanyn aitty.
Karantin rejiminiń jeńildeýine qaramastan, jumysyn qaita bastaǵan kásiporyndar men ShOB sýbektilerine sanitarlyq-epidemiologiialyq talaptardy saqtaý jáne óz qyzmetkerleriniń qaýipsiz jumys isteýine qajetti jaǵdai jasaý usynyldy.
Sonymen qatar, karantin rejiminiń jeńildeýine qaramastan, demalys kúnderi shekteý sharalary saqtalady.
