«QAZAQ AIR» áýe kompaniiasy Qazaqstan boiynsha ishki reisterdi kóbeitetinin jariialady, – dep habarlaidy «Ult aqparat»
Naqtyraq aitqanda, 17 mamyrdan bastap Shymkent qalasyna turaqty reister iske qosylady.
Nur-Sultan – Shymkent – Nur-Sultan baǵytyndaǵy ushaqtar qaita usha bastaidy.
Kompaniia sonymen qatar 18 mamyrdan bastap Almaty – Shymkent – Almaty baǵytyndaǵy reisti, Nur-Sultan – Almaty – Nur-Sultan tańerteńgi reisin, al 20 mamyrdan bastap jańadan Nur-Sultan – Taraz – Nur-Sultan reisin jolǵa qoiady.
Sonymen qatar Atyraý, Aqtaý, Oral, Jezqazǵan qalalaryndaǵy reisterdi ashý týraly aqparat jaqyn arada jariialanady.
Aita ketsek, 2020 jyldyń 11 mamyrynan bastap áýe jolaýshylaryna, áýejai qyzmetkerleri men ekipajǵa COVID-19 boiynsha PTR-testileýden ótý mindetti emes. Áitse de jolaýshylar qaýipsizdik talaptaryn saqtap, maska taǵyp, áleýmettik qashyqtyqty saqtaýy kerek.
