Búgin Úkimet otyrysynda QR Energetika ministri Nurlan Noǵaev 2021 jylǵy qańtar-naýryz ailarynyń qorytyndysy boiynsha otyn-energetika kesheniniń aǵymdaǵy jaǵdaiy týraly baiandady, dep habarlaidy "Ult aqparat".
«Esepti munai jáne kondensat óndirý kólemi 21,1 mln tonnaǵa jetti, biylǵy qańtar-naýryz ailarynyń josparyna 100 paiyzdy qurady. Sonyń ishinde, munai-gaz salasyndaǵy iri kompaniialar boiynsha kórsetkishter tómendegidei: Teńiz jobasynda atalǵan kezeńde 6,7 mln tonna munai óndirildi, bul jospar 100% oryndaldy. Soltústik Kaspii jobasy – Qashaǵanda munai óndirý kólemi – 3,7 mln tonna boldy, iaǵni qańtar-naýryz ailarynyń jospary 100% oryndaldy. Qarashyǵanaq jobasynyń kórsetkishi 3,1 mln tonnany qurap otyr», - dedi ministr.
Onyń aitýynsha, esepti kezeń ishinde 16,6 mln tonna munai eksporttaldy, aǵymdaǵy jylǵy qańtar-naýryz ailarynyń jospary 100% oryndalǵan.
«2021 jylǵy 1 sáýirdegi OPEK + otyrysynyń qorytyndysy boiynsha munai óndirý kólemi kezeń-kezeńmen, sáikesinshe mamyr, maýsym jáne shilde ailarynda táýligine 6 myń barrelge ulǵaitylmaq», - dedi N. Noǵaev.
