Abai Begeidiń erte turmys qurǵan qyzy Symbat otbasylyq ómirge qalai kelgenin aityp berdi, dep habarlaidy ult.kz.
Symbat Abaiqyzynyń sózinshe, ol bastapqyda erte turmysqa shyǵýdy josparlamaǵan. Alaida qazirgi kúieýi Mustafa ekeýi sóilesip júrgen kezde jigit ony kelisiminsiz alyp qashqan.
“Men 16 jasynda turmysqa shyqqan Abai Begeidiń qyzymyn. Negizi, kúieýge shyǵamyn dep oilaǵan joqpyn. Ekeýmiz sóilesip júrgen kezde Mustafa meni alyp qashyp ketti. Bul týraly buryn áleýmettik jelide aitpaǵan edim”, – dedi ol.
Symbattyń aitýynsha, alyp qashqannan keiin ol jigittiń úiinen qashyp ketken. Keiin Mustafanyń otbasy Abai Begeidiń aldyna baryp, resmi túrde ruqsat suraǵan.
“Sodan keiin olar ákemniń aldyna kelip, ruqsatyn aldy. Qazir esh ókinbeimin. Kúieýim ekeýmiz ómirdiń qyzyǵyn da, qiyndyǵyn da birge kórip júrmiz. Ol maǵan eshqandai shekteý qoimaidy. Atam men enem de óte jaqsy adamdar”, – dedi Symbat.
Ol sondai-aq búginde 18 jasynda ana atanǵanyn aityp, turmysqa shyqqannan keiin úiden shyqpai, shekteýde otyrǵan joq ekenin atap ótti.
Aita keteiik, zańsyz utys oiyndaryn ótkizip, qylmystyq jolmen 162 million teńgeni iemdendi dep kúdikke ilingen ánshi Abai Begeidiń qyzy Gúlerkem Niiazqulova men onyń jubaiy jazadan sytylyp ketti.
Abai Begei kim?
Abai Begei - qazaqstandyq estrada ánshisi. Óner jolynda birneshe jyl boiy túrli baiqaýlarǵa qatysyp, án jazdyrǵanymen, keńinen tanylýy birden bolmaǵan. Ánshiniń óz aitýynsha, elge tanymal bolýyna alty jyldan astam ýaqyt ketken. Onyń shyǵarmashylyqtaǵy úlken serpilisi «Aspanǵa qaraimyn» áninen keiin bastaldy. Bul týyndy hitke ainalyp, Abai Begeidi kópshilikke keńinen tanytty.
Óner jolynyń alǵashqy kezeńinde Abai Begei Aqtaý men Almaty arasynda qatynap júrgen. Shyǵarmashylyqqa den qoiý úshin bir kezeńde otbasyn Aqtaýda qaldyryp, ózi Almatyda jumys istegenin de suhbattarynda ashyq aitqan.
Ánshiniń jeke ómirinde de aýyr kezeńder bolǵan. Onyń birinshi jary ómirden ótken. Abai Begei 2016 jylǵy suhbatynda marqum jubaiynyń orys tili men ádebieti pániniń mamany bolǵanyn jáne onyń qazasy ózine aýyr tigenin aitqan. Keiin ol birneshe jyl balalarymen bólek turýǵa májbúr bolǵanyn, sodan soń qaita shańyraq kótergenin jetkizgen.
Qazir Abai Begeidiń jubaiy - Fariza Jumanova. 2026 jylǵy naýryzda ánshi segizinshi ret áke atanyp, besinshi qyzynyń dúniege kelgenin habarlady.
Abai Begeidiń balalary da áleýmettik jelide jii nazarǵa túsedi. Sonyń biri – qyzy Symbat Abaiqyzy. BAQ-ta ol ánshiniń ekinshi qyzy retinde atalady. Symbattyń jas kezinde turmys qurýy qoǵamda qyzý talqylanǵan.
