اباي بەگەيدٸڭ ەرتە تۇرمىس قۇرعان قىزى سىمبات وتباسىلىق ٶمٸرگە قالاي كەلگەنٸن ايتىپ بەردٸ, دەپ حابارلايدى ult.kz.
سىمبات ابايقىزىنىڭ سٶزٸنشە, ول باستاپقىدا ەرتە تۇرمىسقا شىعۋدى جوسپارلاماعان. الايدا قازٸرگٸ كٷيەۋٸ مۇستافا ەكەۋٸ سٶيلەسٸپ جٷرگەن كەزدە جٸگٸت ونى كەلٸسٸمٸنسٸز الىپ قاشقان.
“مەن 16 جاسىندا تۇرمىسقا شىققان اباي بەگەيدٸڭ قىزىمىن. نەگٸزٸ, كٷيەۋگە شىعامىن دەپ ويلاعان جوقپىن. ەكەۋمٸز سٶيلەسٸپ جٷرگەن كەزدە مۇستافا مەنٸ الىپ قاشىپ كەتتٸ. بۇل تۋرالى بۇرىن ەلەۋمەتتٸك جەلٸدە ايتپاعان ەدٸم”, – دەدٸ ول.
سىمباتتىڭ ايتۋىنشا, الىپ قاشقاننان كەيٸن ول جٸگٸتتٸڭ ٷيٸنەن قاشىپ كەتكەن. كەيٸن مۇستافانىڭ وتباسى اباي بەگەيدٸڭ الدىنا بارىپ, رەسمي تٷردە رۇقسات سۇراعان.
“سودان كەيٸن ولار ەكەمنٸڭ الدىنا كەلٸپ, رۇقساتىن الدى. قازٸر ەش ٶكٸنبەيمٸن. كٷيەۋٸم ەكەۋمٸز ٶمٸردٸڭ قىزىعىن دا, قيىندىعىن دا بٸرگە كٶرٸپ جٷرمٸز. ول ماعان ەشقانداي شەكتەۋ قويمايدى. اتام مەن ەنەم دە ٶتە جاقسى ادامدار”, – دەدٸ سىمبات.
ول سونداي-اق بٷگٸندە 18 جاسىندا انا اتانعانىن ايتىپ, تۇرمىسقا شىققاننان كەيٸن ٷيدەن شىقپاي, شەكتەۋدە وتىرعان جوق ەكەنٸن اتاپ ٶتتٸ.
ايتا كەتەيٸك, زاڭسىز ۇتىس ويىندارىن ٶتكٸزٸپ, قىلمىستىق جولمەن 162 ميلليون تەڭگەنٸ يەمدەندٸ دەپ كٷدٸككە ٸلٸنگەن ەنشٸ اباي بەگەيدٸڭ قىزى گٷلەركەم نييازقۇلوۆا مەن ونىڭ جۇبايى جازادان سىتىلىپ كەتتٸ.
اباي بەگەي كٸم?
اباي بەگەي - قازاقستاندىق ەسترادا ەنشٸسٸ. ٶنەر جولىندا بٸرنەشە جىل بويى تٷرلٸ بايقاۋلارعا قاتىسىپ, ەن جازدىرعانىمەن, كەڭٸنەن تانىلۋى بٸردەن بولماعان. ەنشٸنٸڭ ٶز ايتۋىنشا, ەلگە تانىمال بولۋىنا التى جىلدان استام ۋاقىت كەتكەن. ونىڭ شىعارماشىلىقتاعى ٷلكەن سەرپٸلٸسٸ «اسپانعا قارايمىن» ەنٸنەن كەيٸن باستالدى. بۇل تۋىندى حيتكە اينالىپ, اباي بەگەيدٸ كٶپشٸلٸككە كەڭٸنەن تانىتتى.
ٶنەر جولىنىڭ العاشقى كەزەڭٸندە اباي بەگەي اقتاۋ مەن الماتى اراسىندا قاتىناپ جٷرگەن. شىعارماشىلىققا دەن قويۋ ٷشٸن بٸر كەزەڭدە وتباسىن اقتاۋدا قالدىرىپ, ٶزٸ الماتىدا جۇمىس ٸستەگەنٸن دە سۇحباتتارىندا اشىق ايتقان.
ەنشٸنٸڭ جەكە ٶمٸرٸندە دە اۋىر كەزەڭدەر بولعان. ونىڭ بٸرٸنشٸ جارى ٶمٸردەن ٶتكەن. اباي بەگەي 2016 جىلعى سۇحباتىندا مارقۇم جۇبايىنىڭ ورىس تٸلٸ مەن ەدەبيەتٸ پەنٸنٸڭ مامانى بولعانىن جەنە ونىڭ قازاسى ٶزٸنە اۋىر تيگەنٸن ايتقان. كەيٸن ول بٸرنەشە جىل بالالارىمەن بٶلەك تۇرۋعا مەجبٷر بولعانىن, سودان سوڭ قايتا شاڭىراق كٶتەرگەنٸن جەتكٸزگەن.
قازٸر اباي بەگەيدٸڭ جۇبايى - فاريزا جۇمانوۆا. 2026 جىلعى ناۋرىزدا ەنشٸ سەگٸزٸنشٸ رەت ەكە اتانىپ, بەسٸنشٸ قىزىنىڭ دٷنيەگە كەلگەنٸن حابارلادى.
اباي بەگەيدٸڭ بالالارى دا ەلەۋمەتتٸك جەلٸدە جيٸ نازارعا تٷسەدٸ. سونىڭ بٸرٸ – قىزى سىمبات ابايقىزى. باق-تا ول ەنشٸنٸڭ ەكٸنشٸ قىزى رەتٸندە اتالادى. سىمباتتىڭ جاس كەزٸندە تۇرمىس قۇرۋى قوعامدا قىزۋ تالقىلانعان.
