Foto: Element.envanto.com
Oljas Bektenov Shandong Energy Group Co. basshysy Li Veimen 1,5 myń jumys ornyn ashýǵa múmkindik beretin kómir himiia zaýytyn salý máselesin talqylady, dep habarlaidy Ult.kz.
Qazaqstan Respýblikasynyń Premer-ministri Oljas Bektenov Shandong Energy Group Co. basqarma tóraǵasy Li Veimen kezdesý ótkizdi. Onda energetika salasyndaǵy yntymaqtastyq, onyń ishinde Qazaqstanda kómir himiia zaýytyn salý boiynsha birlesken jobany júzege asyrý máseleleri talqylandy.
QazaqGaz jáne Shandong Energy Group Co. kompaniialarynyń Qaraǵandy oblysyndaǵy kómirden gaz óndiretin kómir himiia zaýytynyń qurylysy boiynsha birlesken josparlaryna nazar aýdaryldy. Jobalyq qýaty jylyna 2 mlrd m3 gazdy quraidy. Óndiristi iske qosý Qazaqstannyń kómir-himiia salasynyń damýyna jańa serpin beredi. Gazdyń qosymsha kólemi, 1,5 myń turaqty jumys ornyn ashý, ekonomikany ártaraptandyrý, jańa tehnologiialardy damytý, sondai-aq elimizdiń eksporttyq áleýetin kúsheitedi dep kútilýde.
QR Premer-ministri Oljas Bektenov Qazaqstan Úkimeti Qytai Halyq Respýblikasymen ekonomikanyń túrli salalarynda, onyń ishinde kómir himiiasy salasynda ózara tiimdi yntymaqtastyqty damytýǵa basa mán beretine toqtaldy.
Shandong Energy Group Co. basqarma tóraǵasy Li Vei Qazaqstanmen yntymaqtastyqty damytýǵa jáne ónerkásiptiń keleshegi zor baǵytyna investitsiia salýǵa múddeli ekenin aitty.
Kelissózder qorytyndysy boiynsha taraptar birlesken jospardy júzege asyrý úshin syndarly dialogqa nietti ekenin jetkizdi.
