2021 jylǵy 1 mamyrdaǵy jaǵdai boiynsha 15 443 sheteldik azamat jergilikti atqarýshy organdardyń ruqsaty boiynsha Qazaqstan Respýblikasynyń aýmaǵynda eńbek qyzmetin júzege asyrýda, dep habarlaidy "Ult aqparat".
Sheteldik jumys kúshin tartýǵa berilgen ruqsattardyń ishinde mynadai sanattar bar:
- birinshi sanat – 650 (basshylar jáne olardyń orynbasarlary)
- ekinshi sanat – 3 246 (qurylymdyq bólimshelerdiń basshylary).
- Tartylǵan sheteldik jumys kúshiniń negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady, bular tiisinshe - 7 511 adam jáne 488 adam. Sondai-aq maýsymdyq jumystarǵa – 1 723 adam, al korporativtik aýystyrý sheńberinde – 1 825 adam tartylǵan.
«Qazirgi ýaqytta Qazaqstanda shetel jumys kúshin paidalanatyn 1 718 jumys berýshi bar. Olarda shamamen 478 myń Qazaqstan azamaty jumys isteidi, bul jalpy jumysshylar sanynyń 96 paiyzyn quraidy», - delingen Eńbek ministrligi málimetinde.
Eńbekshi migranttar shyǵatyn negizgi elder mynandai: Qytai – 3 656 adam, Ózbekstan – 1 741 adam, Túrkiia – 1 588 adam, Úndistan – 1 090 adam, Ulybritaniia – 930 adam.
Esterińizge sala keteiik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý ministrligi jyl saiyn elimizge sheteldik mamandardy tartýǵa arnalǵan kvota belgileidi. 2021 jyly kvota mólsheri jumys kúshine shaqqanda 0,31%-dy nemese 29,3 myńdy qurady.
