Nesiesin japqan 1,5 mln qazaqstandyqta nesie tarihy buzylǵandyǵy týraly aqparat saqtalǵan. Bul týraly Senattyń jalpy otyrysynda QR Qarjy naryǵyn retteý jáne damytý agenttigi tóraǵasynyń orynbasary Nurlan Abdrahmanov aitty, dep habarlaidy QazAqparat.
«Agenttik ekonomikalyq taldaý júrgizgen bolatyn. Qazirgi ýaqytta elde eki kredittik biýro bar. Olarda 6,7 mln-ǵa jýyq qaryz alýshy boiynsha aqparat jinaqtalǵan, iaǵni osy málimetterde qazirgi nesieler men ótelgen qaryzdar, sondai-aq tóleý merzimi ótip ketken nesieler qamtylyp otyr. Osynyń arasynda 1,5 mln adam nesiesin japqanymen, biraq olar boiynsha nashar nesie tarihy saqtalyp otyr. Óitkeni bul adamdar tóleý merzimin 90 kúnnen asyryp alyp alǵan. Buǵan bailanysty bankter men mkroqarjylyq uiymdar olarǵa jańa qaryzdy berýden bas tartady. Atalǵan 1,5 mln adamnyń arasynda bes jyldan astam ýaqyt buryn tóleý merzimi ótip ketken qaryzdaryn 489 myń adam japty», - dedi Abdrahmanov.
Onyń aitýynsha, nesie tarihyn saqtaý merzimi 10 jyldan 5 jylǵa deiin qysqarǵanda tiisti nátije bolady.
Budan buryn habarlanǵandai, Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine Qazaqstan Respýblikasynda banktik, mikroqarjylyq jáne kollektorlyq qyzmetti retteý máseleleri boiynsha ózgerister men tolyqtyrýlar engizý týraly» Zańy eki oqylymda qaralyp, qabyldandy.
Osy orada problemalyq nesieler boiynsha aqparatty saqtaý merzimi qysqartylmaq.
