2021 jylǵy 15 qarashadan bastap Qazaqstanda 7 avtojolda aqyly júie iske qosylady. QazAqparat bul týraly «QazAvtoJol» UK» AQ-ǵa silteme jasap habarlaidy.
«7 jańa aqyly ýchaskeni paidalanýǵa engizý týraly buiryq jobalaryna qol qoiyldy jáne Ádilet ministrliginde tirkelýde. Birinshi tehnikalyq sanattaǵy ýchaskelerdegi aqyly júieni 2021 jylǵy 15 qarashadan bastap engizý josparlanýda. Bul rette osy ýchaskeler biyǵy 1 qazannan testilik paidalanýǵa berilgen bolatyn», - delingen kompaniia aqparatynda.
Málim etilgendei: kelesi trassalarda aqyly júie iske qosylady:
- Nur-Sultan – Pavlodar;
- Shymkent – Ózbekstan shekarasy (Tashkentke);
- Shýchinsk - Kókshetaý;
- Qapshaǵai – Taldyqorǵan;
- Shymkent – Taraz;
- Taraz – Qainar;
- Shymkent – Qyzylorda.
QR Indýstriia jáne infraqurylymdyq damý ministrligimen birlesip atalǵan trassalarda aqy alýdyń «ashyq» júiesin engizý sheshimi qabyldanǵan.
«Bul júie aqyly ýchaskelerde shlagbaýmdardyń múlde bolmaýymen erekshelenedi. Avtomobilderdiń ótýi arnaiy kameralar men jabdyqtardyń kómegimen baqylaý arkalaryna bekitiletin bolady. «Ashyq« júieniń basty artyqshylyǵy joldarda keptelis/kezektń bolmaýyna bailanysty avtomobilderdiń jyldamdyq rejimin saqtaýy bolyp tabylady (shlagbaým júiesimen salystyrǵanda)», - dedi «QazAvtoJoldan».
Avtokóliktiń memlekettik nómirine shotty toltyrýdyń 20-dan astam nusqasy qarastyrylǵan:
- QAJ mobile (mobildi qosymsha);
- Kaspi.kz;
- Kiwi-ámiian;
- Forte Bank jáne t.b.
Aita keteiik, 2013 jyldan bastap I sanattaǵy aqyly ýchaskeler boiynsha jol júrý aqysy ózgergen joq (Nur-Sultan - Shýchinsk birinshi aqyly ýchaskesi engizilgen sátten bastap) jáne ózgerissiz kúiinde qala beredi.
«Budan basqa, qazirgi ýaqytta «QazjolǴZI« AQ qoldanystaǵy tarifterden edáýir tómen bolatyn II jáne III sanattaǵy joldar úshin tarifti aiqyndaý ádistemesin ázirledi. Bul normativtik qujat «Atameken« UKP men quzyrly qaýymdastyqtardyń kelisýinde», - dedi kompaniiadan.
