© Foto: Maksima Zolotýhina
Áleýmettik jelide Almatyda joiqyn jer silkinisi bolady degen aqparat tarady. Seismologtar bul aqparatty joqqa shyǵardy.
Búgin Almatyda mamandardyń qatysýymen brifing ótti, - dep habarlaidy Sputnik Qazaqstan.
Bir Almatynyń mańynda 30 astam qaýipti silkinis beketi bar.
"Silkiniske qaýipti beketter Almaty aimaǵynda shoǵyrlanǵan. Osyndai 30-dan astam silkinis beketi bar. Bul beketterdiń derekteri dereý ortalyqqa jinalyp, ǵylymi ortalyqta taldanyp, óńdeledi", - deidi seismologiialyq baqylaýlar men zertteýlerdiń Ulttyq ǵylymi ortalyǵy direktorynyń mindetin atqarýshy Nursársen Ózbekov.
Ózbekovtyń aitýynsha, seismologiia salasynda eńbek etetinder - 40 jyldyq tájiribesi bar mamandar, iaǵni shatasýy múmkin emes.
"Bul salada eńbek etip júrgen mamandar bári kásibi. Almaty óńirinde bolatyn jer silkinisin orta merzimde boljaýdy ortalyq mamandary 1998 jyldan beri jasap keledi. Sol kezden beri boljamdary qate bolǵan joq. Byltyrlary biz osyndai orta merzimdi jer silkinis boljamyn jasaǵanbyz, sol boljam boiynsha byltyr kúshti jer silkinisi bolǵan joq. Ol kezde almatyda 7 balldan asatyn, magnitýdasy 5,5 bolatyn jer silkinisi bolmaidy dep boljanǵan", - deidi seismologiialyq baqylaýlar men zertteýlerdiń Ulttyq ǵylymi ortalyǵy direktorynyń mindetin atqarýshy.
Seismologtar biyl qańtar aiynyń úshinshi dekadasynda Almatyǵa qatysty orta merzimge arnalǵan silkinis qaýpin anyqtap, bailam jasaidy. Ol tiisti mekemelerge jiberilip, sheshim qabyldanady.
"Áleýmettik jelidegi 15 qańtarda Almatyda kúshti jer silkinisi bolady degen aqparat jalǵan. Blogerler qandai negizge súienip aitqany belgisiz, óitkeni olarda eshbir zertteý quraly joq. Almaty jáne Almaty oblysynyń turǵyndaryna úreilenýge negiz joq", - deidi Nursársen Ózbekov.
Almatydaǵy 33-ten astam seismikalyq keshendi beketterden úzdiksiz málimetter túsip, óńdelip jatyr. Ótken sárenbide ǵana boljaý komissiiasynyń otyrysy bolǵan. Otyrysta Almaty óńirinde alynǵan keshendi derekterdi taldap, óz boljamdaryn tiisti organdarǵa jibergen. Biyl Almatyda joiqyn jer silkinisi bola ma, joq pa - boljam nátijesi qańtar aiynyń sońynda belgili bolady.
Jalpy Qazaqstandaǵy seismikalyq qaýipti aimaqtar - Almaty, Shyǵys Qazaqstan, Jambyl jáne Túrkistan oblystary.
