QR Tsifrlyq damý, innovatsiialar jáne aeroǵarysh ónerkásibi ministrligi «UAT» AQ, «Azamattarǵa arnalǵan úkimet» KEAQ jáne «Qazaqtelekom» AQ birlesip, QR 1414 Biryńǵai bailanys ortalyǵynyń jumysyn kúsheitti, dep habarlaidy "Ult aqparat".
«Bir ýaqytta 1 myńnan astam abonent qajetti suraqtaryna keńes ala alady. Bul sharalar koronavirýstyń taralýyna bailanysty tótenshe jaǵdai tártibiniń engizilýine, sondai-aq infektsiianyń taralmaýyna jol bermeý úshin Halyqqa qyzmet kórsetý ortalyqtarynda qorǵanys sharalaryn engizýge bailanysty qabyldandy. Qazirgi jaǵdaiǵa bailanysty, Tsifrlyq damý ministrligi azamattarǵa memlekettik qyzmetterdi onlain alýǵa keńes beredi. Búgingi tańda memlekettik qyzmetterdiń 80 paiyzy elektrondyq úkimet portaly arqyly qoljetimdi. Qajetti anyqtamalardy eGov Mobile mobildi qosymshasy jáne telegramdaǵy bot arqyly alýǵa bolady», delingen habarlamada.
Osy oraida memlekettik qyzmetterdi alý barysyna qandai da bir qiyndyqtar men suraqtar týyndaǵan jaǵdaida, azamattar 1414 Biryńǵai bailanys ortalyǵyna uialy jáne statsionarly telefonnan habarlasa alady. Qońyraý soǵý tegin.
Biryńǵai bailanys ortalyǵynyń kúsheitilgen tártipte jumys isteýi úshin «Azamattarǵa arnalǵan úkimet» MK» KEAQ front-keńseleriniń 600 qyzmetkeri jumysqa tartyldy. Jaqyn arada olardyń sanyn arttyrý josparlanýda.
