Asa iri kólemde para aldy dep aiyptalǵan Oral qalasy qurylys bóliminiń burynǵy basshysy Arman Óksikbaevtiń isi sotqa berildi, dep habarlaidy QazAqparat.
BQO sotynyń baspasóz qyzmeti A.Óksikbaevtiń QR QK 366-baby 4-bóligine (asa iri kólemde para alý) sáikes qylmystyq isi 11 mamyr kúni sotqa túskenin rastady.
Onyń isi BQO qylmystyq ister jónindegi mamandandyrylǵan aýdanaralyq sotynda qaralatyn bolady.
Eske sala keteiik, budan buryn Oral qalasy qurylys bóliminiń basshysy para aldy degen kúdikpen tergelip jatqanyn jazǵan bolatynbyz.
QR Sybailas jemqorlyq qarsy is-qimyl agenttiginiń málimeti boiynsha ol 2020 jyldyń qazan aiynan bastap 2021 jyldyń 11 qazanyna deiin «N»-nyń sybailastyǵy arqyly JShS direktory «Sh»-dan pandemiia kezeńinde arnaiy tártipti qoldana otyryp, memlekettik satyp alý shartyn jasasýǵa járdem kórsetken. Sondai-aq Oral qalasynda «Nurly jer» memlekettik baǵdarlamasy boiynsha jalpy somasy 2,2 mlrd teńgeniń 9 qabatty eki turǵyn úidiń qurylysy boiynsha oryndalǵan jumystardyń aktilerine kedergisiz qol qoiǵany úshin aldyn ala kelisilgen 170 mln teńgeniń 134 mln teńgesin para retinde alǵan.
