اسا ٸرٸ كٶلەمدە پارا الدى دەپ ايىپتالعان ورال قالاسى قۇرىلىس بٶلٸمٸنٸڭ بۇرىنعى باسشىسى ارمان ٶكسٸكباەۆتٸڭ ٸسٸ سوتقا بەرٸلدٸ, دەپ حابارلايدى قازاقپارات.
بقو سوتىنىڭ باسپاسٶز قىزمەتٸ ا.ٶكسٸكباەۆتٸڭ قر قك 366-بابى 4-بٶلٸگٸنە (اسا ٸرٸ كٶلەمدە پارا الۋ) سەيكەس قىلمىستىق ٸسٸ 11 مامىر كٷنٸ سوتقا تٷسكەنٸن راستادى.
ونىڭ ٸسٸ بقو قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالاتىن بولادى.
ەسكە سالا كەتەيٸك, بۇدان بۇرىن ورال قالاسى قۇرىلىس بٶلٸمٸنٸڭ باسشىسى پارا الدى دەگەن كٷدٸكپەن تەرگەلٸپ جاتقانىن جازعان بولاتىنبىز.
قر سىبايلاس جەمقورلىق قارسى ٸس-قيمىل اگەنتتٸگٸنٸڭ مەلٸمەتٸ بويىنشا ول 2020 جىلدىڭ قازان ايىنان باستاپ 2021 جىلدىڭ 11 قازانىنا دەيٸن «ن»-نىڭ سىبايلاستىعى ارقىلى جشس ديرەكتورى «ش»-دان پاندەمييا كەزەڭٸندە ارنايى تەرتٸپتٸ قولدانا وتىرىپ, مەملەكەتتٸك ساتىپ الۋ شارتىن جاساسۋعا جەردەم كٶرسەتكەن. سونداي-اق ورال قالاسىندا «نۇرلى جەر» مەملەكەتتٸك باعدارلاماسى بويىنشا جالپى سوماسى 2,2 ملرد تەڭگەنٸڭ 9 قاباتتى ەكٸ تۇرعىن ٷيدٸڭ قۇرىلىسى بويىنشا ورىندالعان جۇمىستاردىڭ اكتٸلەرٸنە كەدەرگٸسٸز قول قويعانى ٷشٸن الدىن الا كەلٸسٸلگەن 170 ملن تەڭگەنٸڭ 134 ملن تەڭگەسٸن پارا رەتٸندە العان.
