1,3 millionnan astam qaryz alýshy qaryzdary boiynsha tólem merzimi keiinge qaldyryldy. Bul týraly Qazaqstan Respýblikasynyń Qarjy naryǵyn retteý jáne damytý agenttiginen málim boldy, dep habarlaidy "Ult aqparat".
«QR Qarjy naryǵyn retteý jáne damytý agenttigi halyqqa jáne bizneske qoldaý kórsetý jónindegi sharalardyń oryndalýyn monitoringteýdi jalǵastyrýda. 2020 jylǵy 14 sáýirdegi jaǵdai boiynsha ekinshi deńgeidegi bankterge jáne ózge kredittik uiymdarǵa qaryzdar men mikrokreditter boiynsha tólemderdi toqtata turýǵa 1 518 071 ótinim kelip tústi. Onyń ishinde 1 505 960 jeke tulǵa bank qaryzynyń tólemderi boiynsha tólem merzimin keiinge qaldyrýǵa ótinim berdi. Sonymen birge, 12 111 shaǵyn jáne orta kásipkerlik sýbektisi kredittik uiymdarǵa tótenshe jaǵdai kezeńinde kreditter boiynsha merzimin keiinge qaldyrýǵa ótinish berdi. Tólemderdi toqtata turýǵa maquldaýdy 1 350 529 qaryz alýshy aldy, onyń ishinde 1 340 707 – jeke tulǵa, dara kásipkerlerdi qosa alǵanda 9 822 ShOB sýbektisi. Qalǵan ótinimder qaralyp jatyr jáne 10 jumys kúniniń ishinde olar boiynsha tiisti sheshimder qabyldanatyn bolady», - delingen agenttik habarlamasynda.
Budan bólek, alynǵan derekterge sáikes, 14 sáýirdegi jaǵdai boiynsha 12 ekinshi deńgeidegi bankke shaǵyn jáne orta biznes sýbektilerinen, sondai-aq dara kásipkerlerden 167 231 mln teńge somaǵa 634 ótinim tústi, onyń ishinde 32 632 mln teńge somaǵa 56 qaryz maquldandy.
