Búgin atmosferalyq fronttardyń ótýine bailanysty Qazaqstan aýmaǵynda qubylmaly aýa raiy saqtalady. Kei jerlerde jańbyr jaýyp, naizaǵai oinaidy; jel kúsheiip, daýyl turady, burshaq jaýýy múmkin. Ońtústikte shańdy daýyl soǵyp, soltústikte túnde jáne tańerteń tuman túsedi.
Bul týraly QR IIM TJK baspasóz qyzmeti habarlaidy.
Jambyl, Ońtústik Qazaqstan oblysynyń kei jerlerinde daýyl soǵyp, burshaq jaýýy múmkin. Jeldiń jyldamdyǵy 15-20, ekpini 23 m/s-ǵa jetedi.
Almaty, Mańǵystaý oblystarynyń kei jerlerinde shańdy daýyl bolyp, jeldiń jyldamdyǵy 15-22 m/s-ǵa jetedi.
Qyzylorda oblysynyń kei jerlerinde jeldiń jyldamdyǵy 15-20 m/s deiin kúsheiedi. Kúndiz daýyl, shańdy daýyl kútiledi.
Soltústik Qazaqstan oblysynyń kúndiz kei jerlerinde burshaq jaýýy múmkin, jeldiń jyldamdyǵy 15-22 m/s, túnde jáne tańerteń tuman kútiledi.
Aqmola, Qostanai, Shyǵys Qazaqstan oblystarynyń kei jerlerinde jeldiń jyldamdyǵy 15-20 m/s, Aqmola oblysynyń kei jerlerinde kúndiz daýyl turyp, burshaq jaýýy múmkin.
Pavlodar oblysynyń kei jerlerinde jeldiń jyldamdyǵy 15-20, ekpini 25 m/s-ǵa deiin kúsheiedi, kúndiz burshaq jaýýy múmkin.
Qaraǵandy oblysynyń kei jerlerinde burshaq jaýýy múmkin, kúndiz jeldiń jyldamdyǵy 15-20 m/s-ǵa deiin kúsheiedi.
Mańǵystaý oblysynda, Atyraý, Qyzylorda oblystarynyń basym bóliginde, Aqtóbe, Ońtústik Qazaqstan, Jambyl, Shyǵys Qazaqstan, Qostanai oblystarynyń kei jerlerinde óte joǵary órt qaýpi saqtalady.
