Ishki ister ministri Erlan Turǵymbaev 13 aqpannan bastap elimizdiń azamattaryna kólikti tiisti qujattardy alyp júrmei-aq, tek jeke kýálikpen júrgizýine bolatynyn jariia etti, dep habarlaidy «Ult aqparat».
«Memleket basshysy «Qazaqstan Respýblikasynyń keibir zańnamalyq aktilerine jol júrisi máseleleri boiynsha ózgerister men tolyqtyrýlar engizý týraly» zańǵa qol qoidy. 2019 jylǵy jeltoqsanda el Prezidenti Qasym-Jomart Kemeluly Toqaev júrgizýshi qujattaryn aqparattyq júieler arqyly tekserý, júrgizýshilerge qujattardyń qaǵaz nusqalaryn ózimen birge alyp júrmeýge múmkindik berý týraly máseleni kóterip, IIM-ne zańnamalyq aktilerge ózgerister men tolyqtyrýlar engizýdi tapsyrdy. Jańa zań 13 aqpannan bastap kúshine enedi», - dep jazdy ministr jelidegi paraqshasynda.
Buryn Qazaqstanda júrgizýshi qujattarynyń biriniń joqtyǵy úshin eskertý (eger alǵash ret bolsa) nemese 5 AEK úaiyppul qarastyrylǵan bolatyn. Endi júrgizýshilerge kólikti júrgizgen kezde ózimen birge tek bir ǵana qujat - jeke basyn kýálandyratyn kýálikti alyp júrý jetkilikti.
«Qazaqstanda berilgen júrgizýshi kýáligin, kólik quralyn tirkeý kýáligin, saqtandyrý polisin, sondai-aq tehnikalyq baiqaýdan ótkenin rastaityn qujatty politsei planshet arqyly tekseredi. Al Internet jelisine qoljetimdilik joq eldi mekenderde jáne tas joldarda tekserý radiobailanys arnalary arqyly júzege asyrylatyn bolady. Jańa normalardyń qazaqstandyq júrgizýshi kýáligi joq sheteldikterge jáne Qazaqstanda tirkelmegen kólik basqarýshylaryna qatysy joq. Avtokólikti júrgizýshi qujattarynsyz basqarýdyń osyndai múmkindigi Grýziia, Ýkraina, Polsha, Latviia, Litva siiaqty memleketterde bar, ol elderde de ulttyq zańnamaǵa tiisti ózgerister engizilgen. Memleket kólikti basqarýdy edáýir jeńildetti, biraq júrgizýshiler basqa jol qozǵalysyna qatysýshylardyń qaýipsizdigi úshin jaýapkershilikti este ustaýy kerek», - deidi ol.
Eske sala ketsek atalmysh zańǵa Memleket basshysy 1 aqpanda qol qoiǵan bolatyn.
