QR Investitsiialar jáne damý ministrligi Bishimbaev isindegi Qyzylordadaǵy shyny zaýyty boiynsha jaǵdaidy túsindirdi, dep habarlaidy Ult.kz tilshisi QazAqparat agenttigine silteme jasap.
«Atalǵan másele boiynsha tergeý amaldary júrip jatyr. Qazir bizdiń maqsat nysannyń qurylysyn jalǵastyryp, ony ýaqtyly tapsyrýǵa bailanysty bolyp otyr. Atalǵan másele boiynsha jaqynda ministrlikte keńes ótti. Bul jobada «Shymkenthimmontaj» kompaniiasy bas merdiger emes, bas merdiger konsortsiýmynyń qatysýshysy bolyp tabylady. Bul kompaniiany aýystyrý konsortsiýmnyń sharty boiynsha ýaǵdalastyqqa eshqandai yqpal etpeidi. Sondyqtan da tiisti qadamdar boiynsha másele sheshilip jatyr. Meniń oiymsha, nysandy der kezinde tapsyratyn bolamyz. Budan bólek, ondaǵy jalaqy berý máselesi de taiaý kúnderde sheshilip, qurylys jumystary jandanady», - dedi IDM Investitsiialar jónindegi komitet tóraǵasy Saparbek Tuiaqbaev.
Budan buryn buqaralyq aqparat quraldarynda shyny zaýytynda jumys istep jatqan qurylysshylar birneshe aidan beri eńbekaqylaryn almaǵany habarlanǵan edi.
Esterińizge sala keteiik, «Báiterek UBH» AQ basqarmasynyń burynǵy tóraǵasy Qýandyq Bishimbaevqa qatysty qylmysty tergeý amaldary júrip jatyr. Sybailas jemqorlyqqa qarsy kúres ulttyq biýrosy habarlaǵandai, ol bir top adammen aldyn ala kelisip, birneshe ret iri kólemde para aldy dep aiyptalýda. Bishimbaev Qyzylorda qalasynda tabaq shyny shyǵaratyn jáne óńdeitin zaýytyn salý kezinde «Orda Glass» JShS-nyń vedomstvolyq baǵynystaǵy kompaniiasy men onyń merdigerlik uiymy «Shymkenthimmontaj» JShS arqyly 1 mlrd teńge jymqyrý qylmystyq shemasyn uiymdastyrǵan degen kúdikke ilindi. Osy oraida ol atalǵan somanyń 2 mln AQSh dollaryn ózine alǵandyǵy tekserilýde.
