قر ينۆەستيتسييالار جەنە دامۋ مينيسترلٸگٸ بيشٸمباەۆ ٸسٸندەگٸ قىزىلورداداعى شىنى زاۋىتى بويىنشا جاعدايدى تٷسٸندٸردٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«اتالعان مەسەلە بويىنشا تەرگەۋ امالدارى جٷرٸپ جاتىر. قازٸر بٸزدٸڭ ماقسات نىساننىڭ قۇرىلىسىن جالعاستىرىپ, ونى ۋاقتىلى تاپسىرۋعا بايلانىستى بولىپ وتىر. اتالعان مەسەلە بويىنشا جاقىندا مينيسترلٸكتە كەڭەس ٶتتٸ. بۇل جوبادا «شىمكەنتحيممونتاج» كومپانيياسى باس مەردٸگەر ەمەس, باس مەردٸگەر كونسورتسيۋمىنىڭ قاتىسۋشىسى بولىپ تابىلادى. بۇل كومپانييانى اۋىستىرۋ كونسورتسيۋمنىڭ شارتى بويىنشا ۋاعدالاستىققا ەشقانداي ىقپال ەتپەيدٸ. سوندىقتان دا تيٸستٸ قادامدار بويىنشا مەسەلە شەشٸلٸپ جاتىر. مەنٸڭ ويىمشا, نىساندى دەر كەزٸندە تاپسىراتىن بولامىز. بۇدان بٶلەك, ونداعى جالاقى بەرۋ مەسەلەسٸ دە تاياۋ كٷندەردە شەشٸلٸپ, قۇرىلىس جۇمىستارى جاندانادى», - دەدٸ يدم ينۆەستيتسييالار جٶنٸندەگٸ كوميتەت تٶراعاسى ساپاربەك تۇياقباەۆ.
بۇدان بۇرىن بۇقارالىق اقپارات قۇرالدارىندا شىنى زاۋىتىندا جۇمىس ٸستەپ جاتقان قۇرىلىسشىلار بٸرنەشە ايدان بەرٸ ەڭبەكاقىلارىن الماعانى حابارلانعان ەدٸ.
ەستەرٸڭٸزگە سالا كەتەيٸك, «بەيتەرەك ۇبح» اق باسقارماسىنىڭ بۇرىنعى تٶراعاسى قۋاندىق بيشٸمباەۆقا قاتىستى قىلمىستى تەرگەۋ امالدارى جٷرٸپ جاتىر. سىبايلاس جەمقورلىققا قارسى كٷرەس ۇلتتىق بيۋروسى حابارلاعانداي, ول بٸر توپ اداممەن الدىن الا كەلٸسٸپ, بٸرنەشە رەت ٸرٸ كٶلەمدە پارا الدى دەپ ايىپتالۋدا. بيشٸمباەۆ قىزىلوردا قالاسىندا تاباق شىنى شىعاراتىن جەنە ٶڭدەيتٸن زاۋىتىن سالۋ كەزٸندە «Orda Glass» جشس-نىڭ ۆەدومستۆولىق باعىنىستاعى كومپانيياسى مەن ونىڭ مەردٸگەرلٸك ۇيىمى «شىمكەنتحيممونتاج» جشس ارقىلى 1 ملرد تەڭگە جىمقىرۋ قىلمىستىق سحەماسىن ۇيىمداستىرعان دەگەن كٷدٸككە ٸلٸندٸ. وسى ورايدا ول اتالعان سومانىڭ 2 ملن اقش دوللارىن ٶزٸنە العاندىعى تەكسەرٸلۋدە.
