WBA (Super), IBO, WBC jáne IBF tujyrymdary boiynsha orta salmaqtaǵy álem chempiony, qazaqstandyq boksshy Gennadii Golovkin ataqty boksshylarmen jekpe-jekke ótkize almaitynyna kóńili túskenin aitty, - dep habarlaidy Vesti.kz.
Aita keteiik, Golovkin Londonda 10 qyrkúiekte ringke oralady. Onda ol orta salmaqta judyryqtasatyn ulybritaniialyq Kell Brýkpen (36-0, 25 KO) jekpe-jek ótkizedi.
"Men álem myqtylarymen judyryqtasqym keledi. Alaida kópshiliginiń menimen jekpe-jekke shyǵýǵa batyly jetpeidi. Sporttyq mansabymnyń aiaqtalýyna eki, múmkin úsh jyl ǵana qaldy. Meniń boksshylardy kútetin ýaqytym joq", - dep keltiredi Golovkinniń sózin BoxingScene.com.
"Menimen jekpe-jek ótkizý úshin kelisimshart jasaýǵa batyly barǵan boksshylardy qurmetteimin", - dep jaýap berdi Golovkin Kanelo týraly qoiylǵan suraqqa.
Al meksikalyq boksshy Alvares bolsa, Golovkinge jaýap retinde: "Ózine jaqyndatqan adamdary ony ózgertip jiberdi. Ol sandyraqtai beredi. Golovkindi ony qorshaǵan adamdar ózgertti" degen bolatyn.
Golden Boy Promotions basshysy Oskar De La Hoiianyń aitýynsha, Golovkin men Alvares sharshy alańǵa 2017 jyly shyǵady. Eki komandanyń aýyzsha jasalǵan kelisimi bar eken. Osylaisha, Golovkin kelesi jekpe-jeginde 30 jastaǵy aǵylshyn, jartylai orta salmaqta IBF tujyrymy boiynsha álem chempiony Kell Brýkpen kezdesedi. Olardyń kezdesýi 10 qyrkúiekte Londonnyń O2 arenasynda orta salmaqta (160 fýnt) ótedi. Eki boksshy da kásipqoi ringte áli jeńilip kórmegen. 34 jastaǵy Golovkin 35 ret jeńiske jetken, onyń 32-si ýaqytynan buryn aiaqtalǵan. 30 jastaǵy Brýk 36 ret jeńiske jetip onyń 25-in nokaýtpen aiaqtaǵan.
