WBA (Super), IBO, WBC جەنە IBF تۇجىرىمدارى بويىنشا ورتا سالماقتاعى ەلەم چەمپيونى, قازاقستاندىق بوكسشى گەنناديي گولوۆكين اتاقتى بوكسشىلارمەن جەكپە-جەككە ٶتكٸزە المايتىنىنا كٶڭٸلٸ تٷسكەنٸن ايتتى, - دەپ حابارلايدى Vesti.kz.
ايتا كەتەيٸك, گولوۆكين لوندوندا 10 قىركٷيەكتە رينگكە ورالادى. وندا ول ورتا سالماقتا جۇدىرىقتاساتىن ۇلىبريتانييالىق كەلل برۋكپەن (36-0, 25 كو) جەكپە-جەك ٶتكٸزەدٸ.
"مەن ەلەم مىقتىلارىمەن جۇدىرىقتاسقىم كەلەدٸ. الايدا كٶپشٸلٸگٸنٸڭ مەنٸمەن جەكپە-جەككە شىعۋعا باتىلى جەتپەيدٸ. سپورتتىق مانسابىمنىڭ اياقتالۋىنا ەكٸ, مٷمكٸن ٷش جىل عانا قالدى. مەنٸڭ بوكسشىلاردى كٷتەتٸن ۋاقىتىم جوق", - دەپ كەلتٸرەدٸ گولوۆكيننٸڭ سٶزٸن BoxingScene.com.
"مەنٸمەن جەكپە-جەك ٶتكٸزۋ ٷشٸن كەلٸسٸمشارت جاساۋعا باتىلى بارعان بوكسشىلاردى قۇرمەتتەيمٸن", - دەپ جاۋاپ بەردٸ گولوۆكين كانەلو تۋرالى قويىلعان سۇراققا.
ال مەكسيكالىق بوكسشى الۆارەس بولسا, گولوۆكينگە جاۋاپ رەتٸندە: "ٶزٸنە جاقىنداتقان ادامدارى ونى ٶزگەرتٸپ جٸبەردٸ. ول ساندىراقتاي بەرەدٸ. گولوۆكيندٸ ونى قورشاعان ادامدار ٶزگەرتتٸ" دەگەن بولاتىن.
Golden Boy Promotions باسشىسى وسكار دە لا حوييانىڭ ايتۋىنشا, گولوۆكين مەن الۆارەس شارشى الاڭعا 2017 جىلى شىعادى. ەكٸ كوماندانىڭ اۋىزشا جاسالعان كەلٸسٸمٸ بار ەكەن. وسىلايشا, گولوۆكين كەلەسٸ جەكپە-جەگٸندە 30 جاستاعى اعىلشىن, جارتىلاي ورتا سالماقتا IBF تۇجىرىمى بويىنشا ەلەم چەمپيونى كەلل برۋكپەن كەزدەسەدٸ. ولاردىڭ كەزدەسۋٸ 10 قىركٷيەكتە لوندوننىڭ O2 ارەناسىندا ورتا سالماقتا (160 فۋنت) ٶتەدٸ. ەكٸ بوكسشى دا كەسٸپقوي رينگتە ەلٸ جەڭٸلٸپ كٶرمەگەن. 34 جاستاعى گولوۆكين 35 رەت جەڭٸسكە جەتكەن, ونىڭ 32-سٸ ۋاقىتىنان بۇرىن اياقتالعان. 30 جاستاعى برۋك 36 رەت جەڭٸسكە جەتٸپ ونىڭ 25-ٸن نوكاۋتپەن اياقتاعان.
