Qazaqstan Prezidenti Qasym-Jomart Toqaevpen attas 12 jastaǵy bala turatyn Qostanai oblysy Úshtoǵai aýylynda áli kúnge deiin uialy bailanys pen internet joq, - dep habarlaidy Tengrinews.kz agenttigi "Astana" telearnasyna silteme jasap.
12 jastaǵy Qasym-Jomart Toqaev Úshtoǵai aýylyndaǵy mektepte oqidy. Balanyń atyn tátesi tańdaǵan. Oqýshy óziniń esimi el Prezidentimen birdei ekenine maqtanady.
"Meniń armanym - Qasym-Jomart Toqaevpen kezdesý. Kezdessem, mindetti túrde bizdiń aýylǵa uialy bailanys pen internet júrgizýin suraimyn", - deidi bala.
Úshtoǵai mektebinde 50-den asa oqýshy bar. Munda internet qoljetimsiz. Muǵalimder uialy bailanys pen internet bolsa, balalardy oqytý isi múldem basqa deńgeide ótetinine senimdi. Ázirge mektep oqýshylary da, muǵalimder de zamanaýi qosymshalar men jetistikterge qol jetkize almai otyr.
"Bul máseleni sheshý úshin bailanys júielerin júrgizýmen ainalysatyn quzyretti organdarǵa júgindik. Jyl aiaǵyna deiin nátije bolady dep úmittenemiz", - dedi Amangeldi aýdanynyń ákimi Talǵat Qarbozov.
Aýdan biligi uialy bailanys máselesi aldaǵy úsh-tórt aida tolyǵymen sheshiletinine ýáde berdi. Úshtoǵai jáne Stepniak aýyldarynda munarany kúzge qarai ornatýǵa ýáde berip otyr. Qalǵan eldi mekenderde uialy bailanys pen internet kelesi jyly qoljetimdi bolady.
