Úndistannyń Batys Bengaliia shtatynda 12 jastaǵy qyzdy zorlap, óltirdi degen kúdikke ilingen er adamdy jergilikti turǵyndar uryp óltirdi. Oqiǵa Barýipýr qalasynda bolǵan, dep habarlaidy ult.kz.
Politsiia málimetinshe, qyz 4 shildede úiinen shyǵyp, keiin habar-osharsyz ketken. Kelesi kúni onyń denesi jaqyn mańdaǵy toǵannan tabylǵan. Saraptama barysynda qyzdyń jynystyq zorlyqqa ushyraǵany anyqtalǵan. Tergeýshilerdiń málimetinshe, qylmyskerler ony qapqa salyp, tiri kúiinde toǵanǵa tastaǵan bolýy múmkin.
Qyzdyń ólimi týraly habar taraǵannan keiin jergilikti turǵyndar arasynda narazylyq kúsheigen. Ashýǵa býlyqqan adamdar qylmysqa qatysy bar dep kúdiktengen 26 jastaǵy er adamdy ustap alyp, soqqyǵa jyqqan. Ol alǵan jaraqatynan kóz jumǵan. Alaida keiin politsiia onyń qyzdyń ólimine qatysy bolmaǵanyn anyqtaǵan.
Oqiǵaǵa bailanysty birneshe adam qamaýǵa alyndy. Tergeý barysynda politsiia qyzdy qylmys ornyna aldap aparýǵa kómektesti dep kúdik keltirgen Prabash Mondaldy ustaǵan. Keiin ol politsiiamen birge qylmys ornyn tekserý kezinde qashýǵa áreket jasaǵany aitylyp, atys kezinde qaza tapty.
Qazir is boiynsha tergeý jalǵasyp jatyr. Qyzdyń aty-jóni men otbasy týraly jeke derekter jariialanbaǵan.
