ٷندٸستاننىڭ باتىس بەنگالييا شتاتىندا 12 جاستاعى قىزدى زورلاپ, ٶلتٸردٸ دەگەن كٷدٸككە ٸلٸنگەن ەر ادامدى جەرگٸلٸكتٸ تۇرعىندار ۇرىپ ٶلتٸردٸ. وقيعا بارۋيپۋر قالاسىندا بولعان, دەپ حابارلايدى ult.kz.
پوليتسييا مەلٸمەتٸنشە, قىز 4 شٸلدەدە ٷيٸنەن شىعىپ, كەيٸن حابار-وشارسىز كەتكەن. كەلەسٸ كٷنٸ ونىڭ دەنەسٸ جاقىن ماڭداعى توعاننان تابىلعان. ساراپتاما بارىسىندا قىزدىڭ جىنىستىق زورلىققا ۇشىراعانى انىقتالعان. تەرگەۋشٸلەردٸڭ مەلٸمەتٸنشە, قىلمىسكەرلەر ونى قاپقا سالىپ, تٸرٸ كٷيٸندە توعانعا تاستاعان بولۋى مٷمكٸن.
قىزدىڭ ٶلٸمٸ تۋرالى حابار تاراعاننان كەيٸن جەرگٸلٸكتٸ تۇرعىندار اراسىندا نارازىلىق كٷشەيگەن. اشۋعا بۋلىققان ادامدار قىلمىسقا قاتىسى بار دەپ كٷدٸكتەنگەن 26 جاستاعى ەر ادامدى ۇستاپ الىپ, سوققىعا جىققان. ول العان جاراقاتىنان كٶز جۇمعان. الايدا كەيٸن پوليتسييا ونىڭ قىزدىڭ ٶلٸمٸنە قاتىسى بولماعانىن انىقتاعان.
وقيعاعا بايلانىستى بٸرنەشە ادام قاماۋعا الىندى. تەرگەۋ بارىسىندا پوليتسييا قىزدى قىلمىس ورنىنا الداپ اپارۋعا كٶمەكتەستٸ دەپ كٷدٸك كەلتٸرگەن پراباش موندالدى ۇستاعان. كەيٸن ول پوليتسييامەن بٸرگە قىلمىس ورنىن تەكسەرۋ كەزٸندە قاشۋعا ەرەكەت جاساعانى ايتىلىپ, اتىس كەزٸندە قازا تاپتى.
قازٸر ٸس بويىنشا تەرگەۋ جالعاسىپ جاتىر. قىزدىڭ اتى-جٶنٸ مەن وتباسى تۋرالى جەكە دەرەكتەر جارييالانباعان.
